इतिहास
इतिहास (अंग्रेजी: हिस्ट्री / History) धागु वैज्ञानिक तवं मुंका तःगु प्राचीन ज्या, खँ आदिया वैज्ञानिक अध्ययन ख:। इतिहासय् न्हापाया घटनातेगु वर्णन, परीक्षण, प्रश्न व विश्लेषण याना इमिगु कारण व प्रभावया स्वरुपया जांचतेत वर्णन याइ।
न्हापा इतिहासयात मानविकीया अन्तर्गतय् तयातगु जुसां थौं-कन्हे थ्व शास्त्रयात सामजिक विज्ञान अन्तर्गतय् ला। इतिहासयात यक्व मनुतेसं शासक व महत्त्वपूर्ण ज्याया जक्क ल्याखं तैगु विज्ञान धका नं धाई तर थौं कन्हे वःगु न्हूगु चलन कथं न्हापाया आम मनु तेगु नं थुकिलि अध्ययन जुई।
इतिहासय् च्वयेगु प्रविधिया विकास स्वया न्ह्यःया कालखण्डयात प्रागैतिहास धाइ। इतिहासया विज्ञतेत इतिहासकार धाइ। इतिहासकारतेसं न्हापाया कालया खँ ऐतिहासिक दसिं, दसु च्वयातःगु दस्ताबेज, शिलापत्र, ताम्रपत्र, ताडपत्र, सफू, थ्यासफू, मौखिक इतिहास, कला व प्राचीन वस्तु, वातावरणीय चिं आदिया अध्ययन याना म्हसीकि।
पिनेया स्रोतं पुष्टि याये मफूगु छुं नं तजिलजिया बाखँयात सांस्कृतिक सम्पदा वा लोककथा धाइगु या। थुकिया दसु बेलायतया जुजु आर्थरया बाखँ ख। मिथक स्वया भिन्न इतिहासया खँयात पुष्टि यायेछिंगु प्रमाण मा।
वर्गिकरण
इतिहासया वर्गिकरण क्वे बिया तगु कथं याये छिं:-
- ई कथं: प्रागैतिहास (ल्वहँ युग, कँय् युग, नः युग) व लिपिबद्ध इतिहास
- थाय् कथं: एसियाया इतिहास, युरोपया इतिहास, अफ्रिकाया इतिहास, उत्तर व दक्षिण अमेरिकाया इतिहास, अस्त्रेलिया व महासागरीय द्विपतेगु इतिहास
- देय् कथं
- जाति कथं
- विषय कथं
हलिमया इतिहास
 |
विकिमिडिया मंका य् थ्व विषय नाप स्वापु दुगु मिडिया दु: History |