Bron bekyken van Willem Hendrik Dingeldein

[[Ofbeelding:W H Dingeldein.jpg|duum|Börstbield van W. H. Dingeldein in Deanekaamp]]
[[Ofbeelding:Dingeldein op Singraven 1934.jpg|duum|Laandgoed Singraven bij Deanekaamp, 18 meie 1934. Vanof links: vrouw Döhmann, Willem Laan, Willem Dingeldein en Karl Döhmann]]
'''Willem Hendrik Dingeldein''' ([[Tweants]]: Wilm Dingeldein) ([[Deankaamp|Deanekaamp]], [[18 augustus]] [[1894]] - [[Oldnzel]], [[8 jannewaori|8 jannuwoari]] [[1953]]) was nen skoolmeaister en oonderzeuker van t Tweants, dee't oet Deanekaamp kum.

==Leawen==
Willem Dingeldein, den at zikzelf nen onmeundigen hoop learen oawer t de Tweantse sproake, geskiedenisse en eardriekskeunde, hef nen machtigen bult oet loaten brengen oawer [[Tweante]]. Vuurbeelden hiervan zeent de geskiedenisse van Deanekaamp, [[Oldenzel]], oawer [[Singrawen]], t [[Springendal]] en aandere dinge. Disse oetgawes, met as bekeandsten "Het land van de Dinkel", was egroondt op wetenskoppelik oonderzeuk, mear warren zo eskrewen det ze makkelik vortleazen. Hee gung met aandere heemkeundigen, zo as [[Jacobus Joännes van Deinse|J.J. van Deinse]], [[Albert Meyling]] en [[Arnold Rakers]]<ref>'Men in de joren du ik an dat wark was, heb ik Nedderland recht untdekt - en doorbi stün mi alweer 'nen frönd an de siede, Wilm Dingeldein uut Deggenkamp, dee wi te fro verloren hebt.' Arnold Rakers, 'De regio in de Graofschup Benthem', in'' 't Swieniegeltje'', jaorgaank tweie, nummer iene, jannewari/febrewari 1956, p. 16</ref>, regelmoatig roond duur Tweante, woerbie't he völle op n foto zat. Hee was besteurslid van völle vereniges, en har dus völle anzeen.

Dingeldein bleek, lange noa det he oet de tied was ekömmen, ne Deanekaampse wöardelieste te hebben emaakt, wat pas in [[2009]] oontdekt wör. t Besteet oet ongevear viefdoezend kaartjes met wöarde en zegswiezen oet de umgewige van Deanekaamp, met doarbie ook [[Internasjonaal Klaankenskrift|fonetiese]] notasies der bie, vuurbeeldzinnen en Neerlaandse oawerzettiges der van. Zelfs in t book "Uit het leven en werk van W.H. Dingeldein" oet 1988 wörd oawer dit leawenswoark nit eneumd. De wöarde en oetdrokkiges van Dingeldein wordt op-enömmen in t [[Dialexicon Twents]] van [[Goaitsen van der Vliet]].

In t heuwdstuk "Dingeldein en de dialectstudie" van [[Hendrik Entjes]] en de langdröadige leawensbeskriewing wordt wal zinne oetgawes met Deanekaampse sprekwöarde en zegswiezen eneumd.

==Beukelieste==
n Antal van zinne oetgawes:
* ''Gids voor Denekamp en omstreken'' (1923)
* ''Het "Losse Hoes" Groot Bavel: uit de geschiedenis van een Twentsch erf'' (1947)
* ''Het land van de Dinkel : de schoonheid van Noordoost-Twente'' (1948)
* ''Singraven: beelden uit verleden en heden van een Twentsche havezate'' (1948)
* ''Acht eeuwen Stift Weerselo'' (1951)
* Völle artikels in tiedskriften en joarbeuke, oonder mear in de riege 'Verslagen en mededeelingen van de Vereeniging tot beoefening van Overijssels Regt en Geschiedenis' 

==Bronnen en reffereansies==
<references/>

{{DEFAULTSORT:Dingeldein, Willem Hendrik}}
[[Kategorie:Tweants artikel]]
[[Kategorie:Schriever in t Tweants]]
[[Kategorie:Tweants]]
[[Kategorie:Tukker]]