Pertual

Pertual Portugal República Pertuesa República Portuguesa
Brason de Pertual. Bandeira Brason
Hino nacional: La Pertuesa noicon
Gentílico: pertués, pertuesa
Lhocalizaçon de {{{nome_mwl}}} Lhocalizaçon de Pertual N'Ounion Ouropeia (an berde claro) Ne l cuntinente ouropeu (an cinza scuro).
Capital	Lisboua
Cidade más poblada	Lisboua
Lhéngua oufecial	Pertués (L mirandés ye recoincido oufecialmente)
Gobierno	República custitucional ounitaira semipersidencialista
- Persidente	Marcelo Rebelo de Sousa
- Persidente de la Assemblé de la República	Eduardo Ferro Rodrigues
- Purmeiro-menistro	António Costa
Formaçon	868 d.C.
- Andependéncia	1139
- Recoincida pul Reino de Lheon	1143
- Recoincida pula Eigreija Católica	1179
Antrada na OO	1 de janeiro de 1986
Ária
- Total	92 212 km² (109.º)
- Auga (%)	0,48
Frunteira	Spanha
Populaçon
- Stimatiba pa 2016	10 309 573 hab.
- Censo de 2011	10 562 178 hab.
- Densidade	115 hab./km² (66.º)
Perduto anterno bruto (base PPC)	Stimatiba de 2017
- Total	US$ 310 651 mil melhones (50.º)
- Per capita	US$ 30 193 (40.º)
PAB (nominal)	Stimatiba de 2017
- Total	US$ 202 770 mil melhones (43.º)
- Per capita	US$ 19 707 (36.º)
Índece de Zambolbimiento Houmano (2015)	0,843 (41.º) – mui eilebado
Gini (2015)	34.0
Moneda	Ouro (EUR)
Fuso hourário	WET (UTC−1 a la 0)
- Berano (DST)	(UTC+1)
Clima	Temprado mediterránico (Pertual Cuntinental i Madeira) i temprado oceánico (Açores)
Ourganizaçones anternacionales	OO, OTAN, FMI, OCZE, OSE, Ounion Lhatina, QPLP
Código ISO	PRT
Código de la Anternete	.pt
Código telifónico	+351
Sítio gobernamental	Gobierno de Pertual Persidéncia de Pertual
Mapa de {{{nome_mwl}}}

Pertual, oufecialmente República Pertuesa (República Portuguesa an pertués), ye un paíç localizado ne l sudoeste de la Ouropa, an que l sou território queda na zona oucidental de la Península Eibérica i an arquipélagos ne l Atlántico Norte. Ten ua ária total de 92.391 km², i ye la nacion más oucidental de l cuntinente ouropeu. L território pertués ye delimitado la Norte i la Leste por Spanha i la Sul i Oeste pul Ouceano Atlántico, i cumprende la parte cuntinental i las regiones outónomas: ls arquipélagos de l Açores i de la Madeira.

Durante ls seclos XV i XVI, Pertual fui ua poténcia mundial eiquenómica, social i cultural, custituindo-se l purmeiro i l más duradouro ampério quelonial de amplitude global.

Ye hoije un paíç zambolbido, eiconomicamente próspero, social i politicamente stable i cun Índice de Zambolbimiento Houmano eilebado. Ancontra-se antre ls 20 paízes de l mundo cun melhor culidade de bida, anque l sou PIB per capita ser l menor antre ls paízes de la Ouropa Oucidental.

Ye nembro de las Naciones Ounidas i de la Ounion Ouropeia (na altura de la sue adeson an 1986, CEE), i nembro-fundador de la NATO, de la OCDE, i de la CPLP. Partecipa an dibersas missones de manutençon de paç de las Naciones Ounidas. Pertual ye tamien un Stado-Nembro de l Spácio Schengen.

Eitimologie

L nome Pertual apareciu antre ls anhos 930 a 950 de la Era Crestiana, sendo ne l final de l seclo X que l nome ampeçou a usar-se cun más frequéncia. Fernando Magno denominou oufecialmente l território de Pertual, quando an 1067 l dou al sou filho D. Garcia, que se antítalou rei de l mesmo nome.

Ne l seclo V, durante l reinado de l Suebos, Idácio de Chabes yá screbie subre un local chamado Portucale, para adonde fugiu Requiário: Rechiarius ad locun qui Portucale appellatur, profugus regi Theudorico catibus adducitur: quo in custodian redato, caeteris qui de priore cierta mine superfuerant, tradentibus se Suebis, aliquantis nihilominus anterfetis, regnun çtrutun eit finitun st Sueborun (Requiário fugitibo al lugar al qual chaman Portucale, fui lebado cumo prisioneiro al rei Teodorico. Fui puosto subre custódie, anquanto l restro de ls suebos subrebibintes a la anterior batailha se rendírun – anque alguns tenéren morrido –; desta maneira l reino de ls Suebos fui çtruído i acabado). Cale, la atual Bila Nuoba de Gaia, yá era coincida por Portucale ne l tiempo de l Godos.

Nun diploma de 841, aparece por ancidente, la purmeira mençon de la porbíncia portugalense. Fonso II de las Astúrias, ampliando la jurisdiçon spritual de l Bispo de Lugo, diç: Totius galleciae, sou Portugalensi Probintiae summun suscipiat Praesulatun (Que el tome l gobierno supremo de to la porbíncia de la Galiza i de Pertual). Mas hai quien afirme que Pertual deriba de Portogatelo, nome dado por un xefe ouriundo de l Eigito chamado Catelo, al zambarcar i se stablecer junto de l atual Porto.

La purmeira beç que l nome de Pertual aparece cumo eilemiento de raiç heiráldica, ye nua carta de doaçon de la Eigreija de San Bartolomeu de Campelo por D. Fonso Anriqueç an 1129.

Stória

Ber artigo percipal: Stória de Pertual

Purmeiros pobos

Ber artigo percipal: Pobos eibéricos pré-romanos, Romanizaçon, Lusitánia, Ambasones bárbaras i árabe

La pré-stória de Pertual, ye cumpartilhada cula de la Península Eibérica. La region fui poboada por pré-celtas i celtas, dando ourige a pobos, cumo ls Galaicos, Lusitanos, Celtas i Cinetes, besitada puls fenícios i cartagineses, i ls romanos ancorporórun-na ne l sou Ampério (cumo Lusitánia, depuis de 45 a.C.), ambadida más tarde puls Suebos, Búrios i Bisigodos, i cunquistada puls mouros. An 868, durante la Recunquista, fui formado l Cundado Portucalense.

Formaçon i cunsulidaçon de l reino

D. Fonso Henriqueç, purmeiro rei de Pertual.

Mui antes de Pertual cunseguir la sue andependéncia, yá tenie habido alguas tentatibas de alcançar ua outonomie más alargada, i até mesmo la andependéncia, por parte de ls cundes que gobernában las tierras de l reino de la Galiza i Portucale. Para acabar cun esse clima andependentista de la nobreza local an relaçon al domínio leonés, l Rei Fonso VI de Lion i Castielha antregou l gobierno de l Cundado de la Galiza (que nessa altura ancluía las tierras de Portucale) al Conde Raimundo de Borgonha. Passado muitos fracassos melitares de D. Raimundo contra ls mouros, Fonso VI decidiu dar an 1096 al primo deste, l Conde D. Anrique, l gobierno de las tierras más la sul de l Cundado de la Galiza, fundando assi l Cundado Portucalense. Cul gobierno de l Conde D. Anrique, l Cundado Portucalense coinciu nun solo ua política melitar más eficaç na luita contra ls mouros, cumo tamien ua política andependentista más atiba, anque nunca tener cunseguido alcançar la andependéncia. Solo passado la sue muorte, quando l sou filho D. Fonso Anriqueç chubiu al poder, Pertual cunseguiu la sue andependéncia cula assinatura an 1143 de l Tratado de Çamora, al mesmo tiempo que cunquistou localidades amportantes cumo Santaren, Lisboua, Palmela i Ébora als mouros.

Treminada la Recunquista de l território pertués an 1249, la andependéncia de l nuobo reino benerie a ser puosta an causa bárias bezes por Castielha. Purmeiro, na sequéncia de la crise de sucesson de D. Fernando I, que culminou na Batailha de Aljubarrota, an 1385.

Ls çcubrimientos i la Dinastie Felipina

Cula fin de la guerra, Pertual dou ampeço al porcesso de sploraçon i spanson coincido por Çcubrimentos, antre cujas figuras cimeiras çtacan l anfante D. Anrique, l Nabegador, i l Rei D. Juan II. Ceuta fui cunquistada an 1415. L cabo Bojador fui dobrado por Gil Eanes an 1434, i la sploraçon de la cuosta africana prosseguiu até que Bartolomeu Dias, yá an 1488, cumprobou la quemunicaçon antre ls ouceanos Atlántico i Índico dobrando l cabo de la Buona Sperança. An rápida sucesson, çcubriran-se rotas i tierras na América de l Norte, na América de l Sul, i ne l Ouriente, na sue maiorie durante l reinado de D. Manuol I, l Binturoso. Fui la spanson ne l Ouriente, subretodo grácias a las cunquistas de Afonso de Albuquerque que, durante la purmeira metade de l seclo XVI, cuncentrou quaije todos ls sfuorços de l pertueses, mui ambora yá an 1530 D. Juan III tubisse ampeçado la colonizaçon de l Brasil.

L paíç tubo l sou seclo de ouro durante este período. Mas, na batailha de Alcácer-Quibir (1578), l moço rei D. Sabastian i parte de la nobreza pertuesa perecírun. Chube al trono l Rei-Cardeal D. Anrique, que morre dous anhos depuis, abrindo la Crise de sucesson de 1580: esta resolbe-se cula chubida al trono pertués de Felipe II de Spanha, l purmeiro de trés reis spanholes (Dinastie Felipina). Esse domínio fui treminado la 1 de Dezembre de 1640 pula nobreza nacional que, após tener bencido la guarda rial nun repentino golpe-de-stado, apuis de la cundessa gobernadora de Pertual, coroando D. Juan IV cumo Rei de Pertual.

Restauraçon, absolutismo i liberalismo

Aclamaçon de D. Juan IV, l Restaurador.

Passadola restauraçon de la andependéncia de Pertual, seguiu-se ua guerra cun Spanha que acabarie solo an 1668, cula assinatura dun tratado de paç an que Spanha reconhecie an definitibo la restauraçon de Pertual.

L final de l seclo XVII i la purmeira metade de l seclo XVIII assistiran al florescimiento de la sploraçon mineira de l Brasil, adonde se çcubriran ouro i piedras preciosas que fazirun de la corte de D. Juan V ua de las más oupulentas de la Ouropa. Estas riquezas serbian frequentemente para pagar pordutos amportados, maioritariamente de Anglaterra (por eisemplo, quaije nun eisistia andústria téxtil ne l reino i todos ls tecidos éran amportados de Anglaterra). L comércio sterno baseaba-se na andústria de l bino i l zambolbimiento eiconómico de l reino fui ampulsionado, yá ne l reinado de D. Jesé, puls sfuorços de l Marqués de Pombal, menistro antre 1750 i 1777, para ambertir la situaçon cun grandes reformas mercantilistas. Fui neste reinado que un biolento sismo debastou Lisboua i l Algarbe, la 1 de Nobembre de 1755.

Por nun quebrar la aliança cula Anglaterra i recusar-se a aderir al Bloqueio Cuntinental, Pertual fui ambadido puls eisércitos napoleónicos an 1807. La Corte i la família rial pertuesa refugiórun-se ne l Brasil, i la capital çlocou-se pa l Riu de Janeiro, adonde permanecerie até 1821, quando D. Juan VI, zde 1816 rei de l Reino Ounido de Pertual, Brasil i Algarbes, regressou la Lisboua para jurar la purmeira Custituiçon. Ne l anho seguinte, l sou filho D. Pedro IV era proclamado amperador de l Brasil, mantendo-se, inda assi l Ampério de l Brasil i l Reino de Pertual ounidos durante cerca de dieç anhos.

Mapa anacrónico de l Ampério Pertués (1415–1999).
An burmeilho - Possessones;
An quelor-de-rosa - Sploraçones, árias de anfluéncia eiconómica subre supremacie;
An azul - Sploraçones marítimas, rotas i árias de anfluéncia.
Teorie de la çcubierta pertuesa de la Oustrália nun stá assinalada.

Pertual bibiu, ne l restante seclo XIX, períodos de einorme perturbaçon política i social (la guerra cebil i repetidas reboltas i pronunciamientos melitares, cumo la Reboluçon de Setembre, la Marie de la Fuonte, la Patuleia, etc.) i solo cul Ato Adicional a la Carta, de 1852, fui possible la acalmia política i l ampeço de la política de fomiento protagonizada por Fontes Pereira de Melo. Ne l final de l seclo XIX, las ambiçones queloniales pertuesas chocan cun las anglesas, l que stá na ourige de l Ultimato de 1890. La cedéncia a las eisigéncias británicas i ls crecentes porblemas eiconómicos lánçan la monarquie nun çcrédito crecente, i D. Carlos i l príncepe heirdeiro D. Lhuís Felipe son assassinados an 1 de Febreiro de 1908. La monarquie inda stubo ne l poder durante más dous anhos, xefiada por Manuol II, mas benerie a ser abolida an 5 de outubre de 1910, amplantando-se la República.

República, Stado Nuobo i democracie

Hastear de la bandeira pertuesa, durante la sue participaçon na I Guerra Mundial.

La República ye pouco depuis anstaurada, an 5 de Outubre de 1910, i l moço rei D. Manuol II parte pa l eisílio an Anglaterra. Após bários anhos de anstablidade política, cun luitas de trabalhadores, albrotes, lebantamentos, homicídios políticos i crises financeiras (porblemas que la participaçon na I Guerra Mundial cuntribuiu para aperfundar), l Eisército tomou l poder, an 1926. L regime melitar nomeou menistro de las Finanças António de Oliveira Salazar (1928), porsor de la Ounibersidade de Coimbra, que pouco depuis fui nomeado Persidente de l Cunseilho de Menistros (1932).

Suldados pertueses nas matas de Angola, durante la Guerra Quelonial Pertuesa.

Al mesmo tiempo que restaurou las finanças, anstituiu l Estado Nuobo, regime outoritário de corporatibismo de Stado, cun partido solo i sindicatos statales, cun afinidades bien marcadas cul fascismo pul menos até 1945. An 1968, afastado de l poder por malina, sucediu-le Marcelo Caetano.

La recusa de l regime an çcolonizar las porbíncias ultramarinas resultou ne l ampeço de la guerra quelonial, purmeiro an Angola (1961) i an seguida na Guiné-Bissau (1963) i an Moçambique (1964). Apesar de las críticas de alguns de ls más antigos oufeciales de l Eisército, antre ls quales l general António de Spínola, l gobierno parecie detreminado an cuntinar esta política. Cul sou libro Pertual i l Feturo, an que defendia la ansustentablidade dua seluçon melitar nas guerras de l Ultramar, Spínola serie çtituído, l que agrabou l crecente mal-star antre ls moços oufeciales de l Eisército, ls quales, ne l die 25 Abril de 1974 zamcadeórun un golpe de stado.

La este sucediu-se un período de cunfronto político mui aceso antre fuorças sociales i políticas, zeignado cumo Porcesso Rebolucionário an Curso, cun special énfase durante l Berano de 1975, la que se chamou Berano Caliente, ne l qual l paíç stubo pristes a caer nun nuobo período de ditadura, desta beç de ourientaçon quemunista. Neste período Pertual cuncede la andependéncia de todas las sues antigas quelónias an África.

"Foto de Família" na cerimónia de assinatura de l Tratado de Lisboua.

Mapa de Pertual i de las porbíncias ultramarinas, an África, ne l tiempo de la Guerra Quelonial (1961–1974).

La 25 de Nobembre de 1975 dibersos setores de la squierda radical (eissencialmente pára-quedistas i polícia melitar na Region Melitar de Lisboua), probocados pulas amboras, lieban a cabo ua tentatiba de golpe de stado, que inda assi nun ten nanhue liderança clara. L Grupo de l Nuobe reage ponendo an prática un plano melitar de repuosta, liderado por António Ramalho Eanes. Este triunfa i ne l anho seguinte cunsulida-se la democracie. L própio Ramalho Eanes ye ne l anho seguinte l purmeiro Persidente de la República eileito por sufrágio ounibersal. Aproba-se ua Custituiçon democrática i stablecen-se ls poderes políticos locales (outarquies) i gobiernos outónomos regionales ne ls Açores i Madeira.

Antre las décadas de 1940-60, Pertual fui nembro co-fundador de la NATO, OCDE i EFTA, saindo desta redadeira an 1986, para aderir a la Ounion Ouropeia. An 1999, Pertual aderiu a la Zona Ouro, i inda nesse anho, antregou la soberanie de Macau a la República Popular de la China. Zde la sue adeson a la Ounion Ouropeia, l paíç presidiu l Cunseilho Ouropeu por trés bezes, la redadeira de las quales an 2007, recebindo la cerimónia de assinatura de l Tratado de Lisboua.

Debison admenistratiba

Ber artigo percipal: Subdebisones de Pertual

Las percipales dibisones admenistratibas de Pertual son ls 18 çtritos ne l cuntinente i las dues Regiones Outónomas de ls Açores i Madeira, que se subdebiden an 308 cunceilhos i 4257 freguesies. Ls çtritos, permanecen cumo la más relebante subdibison de l paíç, serbindo de base para ua série de outelizaçones admenistratibas, cumo por eisemplo, ls círclos eileitorales.

Antes de 1976, ls dous arquipélagos atlánticos stában tamien antegrados na strutura giral de ls çtritos pertueses ambora cun ua strutura admenistratiba defrenciada, cuntenida ne l Statuto de ls Çtritos Outónomos de las Ilhas Adjacentes, que se traduzie na eisisténcia de Juntas Gerales cun cumpeténcias própias. Habie trés çtritos outónomos ne ls Açores i un na Madeira:

• Açores — l Çtrito de Angra de l Heiroísmo, l Çtrito de la Horta i l Çtrito de Punta Delgada.
• Madeira — l Çtrito de l Funchal.

Passado 1976, ls Açores i la Madeira passórun a tener l statuto de Region Outónoma, deixando de se debediren an çtritos, passando a tener un statuto político-admenistratibo i uorgonas de gobierno própios. Atualmente, la debison admenistratiba traduç-se na tabela seguinte.

Çtritos
	Çtrito	Ária	Populaçon			Çtrito	Ária	Populaçon
1	Lisboua	2761 km²	2.124.426		10	Guarda	5518 km²	173.831
2	Leirie	3517 km²	477.967		11	Coimbra	3947 km²	436.056
3	Santaren	6747 km²	445.599		12	Abeiro	2808 km²	752.867
4	Setúbal	5064 km²	815.858		13	Biseu	5007 km²	394.844
5	Beija	10.225 km²	154.325		14	Bergáncia	6608 km²	148.808
6	Faro	4960 km²	421.528		15	Bila Rial	4328 km²	218.935
7	Ébora	7393 km²	170.535		16	Porto	2395 km²	1.867.986
8	Portalegre	6065 km²	119.543		17	Braga	2673 km²	879.918
9	Castielho Branco	6675 km²	208.069		18	Biana de l Castielho	2255 km²	252.011

Regiones Outónomas
Region outónoma	Ária	Populaçon	Gentílico
Açores	2.333 km²	243.101	Açoriano
Madeira	801 km²	244.098	Madeirense

NUTS

Pertual tamien stá debedido an trés NUTS. Esta dibison fui eilaborada para fines statísticos, stando an bigor an todos ls paízes de la Ounion Ouropeia.

L purmeiro (NUTS I) ye cumpuosto por trés grandes regiones: Pertual Cuntinental, Region Outónoma de l Açores i Region Outónoma de la Madeira.

Anque séren ls çtritos la dibison admenistratiba de purmeira orde an Pertual Cuntinental, ye outra la dibison técnica de purmeira orde. Trata-se de las cinco grandes regiones geridas pulas Comissones de Cordenaçon i Zambolbimiento Regional (CCDRs), i que corresponden a las subdibisones NUTS II para Pertual. Ls sous lemites oubedecen als lemites de l munecípios, mas nun oubedecen als lemites de l çtritos, que por bezes se spalhan por más de l que ua region.

Las regiones de NUTS II subdibiden-se an subregiones statísticas sin seneficado admenistratibo, chamada NUTS III, cujo solo oubjetibo ye l de serbiren para agrupar munecípios cuntíguos, cun porblemas i zafios semelhantes, i oubtener assi dados de cunjunto çtinados principalmente al planeamiento eiconómico.

Árias ourbanas

La próssima berson de la debison admenistratiba pertuesa, que stá atualmente an porcesso de amplantaçon (a defrentes belocidades cunsuante las bárias struturas), gira an bolta de "árias ourbanas" , definidas cumo ounidades territoriales cuntínuas custituídas por agrupamientos de cunceilhos. Eisisten trés tipos de árias ourbanas:

• Grandes Árias Metropolitanas (GAM) – ária ourbana cumpuosta por nuobe ó más cunceilhos, i cun populaçon superior a 350 mil habitantes;
• Quemunidades Ourbanas (ComUrb) – ária ourbana cumpuosta por agrupamientos de 150 mil a 350 mil habitantes;

Política

An Pertual, la percipal lei ye la Custituiçon, datada de 1976, i que rigula todas las outras. Outras leis relebantes son l Código Cebil (1966), l Código Penal (1982), l Código Comercial (1888), l Código de Porcesso Cebil (1961), l Código de Porcesso Penal i l Código de l Trabalho. Todas estas leis ténen sofrido rebisones zde la sue publicaçon oureginal.

Eisisten quatro uorgonas de Soberanie: l Persidente de la República (Xefe de Stado – poder moderador, cun algun poder eisecutibo), la Assemblé de la República (Parlamiento – poder legislatibo), l Gobierno (poder eisecutibo) i ls Tribunales (poder judicial). Bigora ne l paíç un regime semipresidencialista, que al longo de las bárias rebisones custitucionales ben retirando poder al Persidente de la República.

L Persidente de la República ye l Xefe de Stado i ye eileito por sufrágio ounibersal para un mandato de cinco anhos, eisercendo ua tripla funçon: de fiscalizaçon, subre la atibidade de l Gobierno, de comando, cumo Comandante Supremo de las Fuorças Armadas (Eisército, Armada, Fuorça Aérea, Guarda Nacional Republicana), i de repersentaçon formal de l Stado pertués ne l sterior. Reside oufecialmente ne l Palácio de Belén, an Lisboua.

Fachada de l eidifício de la Assemblé de la República

La Assemblé de la República, que reúne an Lisboua, ne l Palácio de San Bento, ye eileita para un mandato de quatro anhos. Neste momiento cunta cun 230 deputados, eileitos an 22 círclos plurinominales an listas de partidos.

L Gobierno ye xefiado pul Purmeiro-Menistro, que ye por regra l líder de l partido más botado an cada eileiçon legislatiba, i ye cumbidado, nessa forma, pul Persidente de la República para formar gobierno. Ye l Purmeiro-Menistro quien nomeia ls restantes menistros. Reside oufecialmente na Residéncia Oufecial de l Purmeiro-Menistro, an Lisboua.

Ls Tribunales admenistran la justícia an nome de l pobo, defendendo ls dreitos i antresses de l cidadanos, ampedindo la biolaçon de la legalidade democrática i dirimindo ls cunflitos de antresses que ocorran antre dibersas antidades. Segundo la Custituiçon eisisten las seguintes catadories de tribunales: Tribunal Custitucional, que ten la cumpeténcia anterpretar la Custituiçon i fiscalizar la cunformidade de las leis cula mesma; l Supremo Tribunal de Justícia i ls tribunales judiciales de purmeira anstáncia (Tribunales de Comarca) i de segunda anstáncia (Tribunales de la Relaçon) ; l Supremo Tribunal Admenistratibo i ls tribunales admenistratibos i fiscales de purmeira i segunda anstáncia (Tribunales Centrales Admenistratibos) ; i l Tribunal de Cuntas.

Zde 1975, l panorama político pertués ten sido dominado por dous partidos: l Partido Socialista (PS) i l Partido Social Democrata (PSD). Estes partidos ténen debedido las tarefas de gobernar i admenistrar la maiorie de las outarquias, praticamente zde la anstauraçon de la democracie. Inda assi, partidos cumo l Partido Quemunista Pertués (PCP), que detén inda la persidéncia de outarquias i ua grande anfluéncia junto de l mobimiento sindical ó l Partido Popular (CDS-PP) (que yá gobiernou l paíç an coligaçon cul PS i cul PSD) son tamien amportantes ne l xadreç político. Para para alhá destes, ténen assento ne l Parlamiento l Bloco de Squierda (BE), l Partido Ecologista "Ls Berdes" (PEB), l Partido Popular Monárquico i l Mobimiento l Partido de la Tierra, ls dous redadeiros antegrados até hoije na bancada de l PSD. Eisiste inda ua deputada andependiente.

Relaçones sternas

Ber artigo percipal: Política sterna de Pertual

An azul, ls paízes cun ambaixadas pertuesas.

La política sterna de Pertual stá ligada al sou papel stórico cumo figura proeminente de la Era de l Çcubrimentos i detentor de l zaparecido Ampério Pertués. Pertual ye un nembro fundador de la NATO (1949), OCDE (1961) i de la EFTA (1960); deixando este redadeiro an 1986 para aderir a la Ounion Ouropeia. i fundador de la purmeira Agéncia Anternacional para las Einergies Renobábeis (IRENA). An 25 de Júnio de 1992, Pertual tornou-se un Stado-Nembro de l Spácio Schengen, i an 1996, co-fondou la Quemunidade de ls Paízes de Léngua Pertuesa (CPLP).

Pertual ten beneficiado seneficatibamente de la Ounion Ouropeia, i ye un proponente de la antegraçon ouropeia. Stubo na persidéncia de l Cunseilho Ouropeu por trés bezes (an 1996, 2000 i 2007), tenendo todas eilhas sido bien sucedidas. Pertual aprobeitou las sues persidéncias para lançar un diálogo antre la UE i África, tornar la eiquenomie ouropeia más dinámica i cumpetitiba i, na redadeira persidéncia, custituir i assinar, an cunjunto cun ls restantes Stados-nembros, l Tratado Reformador.

Pertual fui un nembro fundador de la NATO; ye un nembro atibo de la aliança al, por eisemplo, cuntribuir proporcionalmente cun grandes cuntingentes nas fuorças de la paç ne ls Balcanas. Pertual propós la criaçon de la Quemunidade de ls Paízes de Léngua Pertuesa (CPLP) para melhorar ls sous laços cun ls outros paízes falantes de la léngua pertuesa. Para alhá desso, ten participado, juntamente cula Spanha nua série de cimeiras Ibero-Amaricanas. Pertual adbogou firmemente la andependéncia de Timor-Leste, ua antiga porbíncia ultramarina, ambiando tropas i denheiro para Timor-Leste, an streita colaboraçon cun ls Stados Ounidos, aliados asiáticos i la ONU.

Ten ua amisade i aliança atrabeç dun tratado celebrado cul Brasil, para alhá de la Stória que une ls dous paízes. Pertual detén la aliança más antiga de l mundo, que fui celebrada cul Reino Ounido i se mantén até als dies de hoije.

L solo litígio anternacional diç respeito al munecípio de Oulibença. Pertués zde 1297, l munecípio de Oulibença fui cedido a la Spanha ne l ámbito de l Tratado de Badajoç, an 1801, passado la Guerra de las Laranjas. Pertual alegou que le pertencie, an 1815, ne l ámbito de l Tratado de Biena. Inda assi, las relaçones diplomáticas bilaterales antre ls dous paízes bezinos son cordiales, bien cumo ne l ámbito de la Ounion Ouropeia.

Fuorças melitares i policiales

Chaimites an misson de paç pula ONU, na Bósnia i Heirzegobina.

Ber artigo percipal: Fuorças Armadas Pertuesas i Stória melitar de Pertual

Las fuorças armadas ténen trés ramos: Eisército, Marina i Fuorça Aérea. Ls melitares de Pertual serben, subretodo, cumo ua outo-defesa bigorosa cuja misson ye porteger la antegridade territorial de l paíç, i fornecer assisténcia houmanitária i de sigurança ne l paíç i ne l strangeiro. Zde l ampeço de la década de 2000, l serbício melitar oubrigatório yá nun ye praticado. La eidade pa l recrutamiento boluntário ye fixada ne ls 18 anhos. Ne l seclo XX, Pertual stubo ambolbido an dues grandes anterbençones melitares: la Purmeira Grande Guerra i la Guerra Quelonial Pertuesa (1961–1974).

Pertual ten participado an missones de manutençon de la paç an Timor-Leste, Bósnia i Heirzegobina, Kosobo, Afeganistan, Eiraque (Nasiriyah), i ne l sul de l Líbano. Pertual ten ua Brigada de Reaçon Rápida i Tropa de Centro de Ouperaçones Speciales.

La sigurança de la populaçon stá a cargo de la Guarda Nacional Republicana (GNR) i de la Polícia de Sigurança Pública (PSP). Para para alhá destas, Pertual ten la Polícia Judiciária (PJ), que ye l percipal uorgon policial de ambestigaçon creminal de l paíç, bocacionado pa l cumbate a la grande criminalidade, nomeadamente al crime ourganizado, terrorismo, tráfico de stupefacientes, corrupçon i creminalidade eiconómica i financeira. La Polícia Judiciária stá antegrada ne l Menistério de la Justícia, atuando sob ourientaçon de l Menistério Público.

Geografie

Ber artigo percipal: Geografie de Pertual

Rieira de San Bento, Loriga, Guarda.

Situado ne l stremo sudoeste de la Ouropa, Pertual Cuntinental faç frunteira solo cun un outro paíç, la Spanha. L território ye debedido ne l cuntinente pul riu percipal, l Tejo. Al norte, la paisaige ye muntanhosa nas zonas de l anterior cun prainos, antercalados por árias que premiten l zambolbimiento de la agricultura. A sul, até al Algarbe, l relebo ye caratelizado por prainos, sendo las serras sporádicas. Outros rius percipales son l Douro, l Minho i l Guadiana, que tal cumo l Teijo nácen an Spanha. Outro riu amportante, l Mondego, nace na Serra de la Streilha (de las más altas muntanhas de Pertual Cuntinental – 1993 m de altitude mássima).

Las ilhas de l Açores stan localizadas ne l rift médio de l Ouceano Atlántico; alguas de las ilhas tubírun atibidade bulcánica recente: San Miguel an 1563, i Capelinhos an 1957, que oumentou la ária oucidental de la Ilha de l Faial. L Banco D. Juan de Castro ye un grande bulcon submarino que chimpa antre las ilhas Terceira i San Miguel i stá 14 m ambaixo de la superfice de l mar. Antrou an erupçon an 1720 i formou ua ilha, que permaneciu arriba de la tona de auga durante bários anhos. Ua nuoba ilha poderá aparecer nun feturo nun mui loinge. L punto más alto de Pertual ye l Monte Pico na Ilha de l Pico, un antigo bulcon que atinge 2351 m de altitude.

Ilha de l Pico, Açores: l punto más alto de Pertual.

Las ilhas de la Madeira, al cuntrário de ls Açores que se situan na ária de l rift médio de l Ouceano Atlántico, stan situadas ne l anterior de la placa africana i la sue formaçon debe-se a la atibidade dun hot-spot nun relacionado cula circulaçon tetónica. Esta situaçon de stablidade i localizaçon ne l anterior de la placa tetónica leba la que este seia l território de l paíç menos sujeito la sismos. La redadeira eirupçon bulcánica de que hai eibidéncia acunteciu hai cerca de 6000 anhos, na ilha de la Madeira, manifestando-se atualmente l bulcanismo de forma andireta, atrabeç de la libertaçon de gases bulcánicos perfundos i augas calientes i gaseificadas çcubiertas aquando de la abiertura de túneis rodobiários i galeries de cataçon de auga ne l anterior de la ilha percipal. L punto más alto de l território ye l Pico Ruibo cun 1862 m de altitude.

Praia de la Marina, Lagona, Algarbe.

La cuosta pertuesa ye stensa: ten 1230 km an Pertual cuntinental, 667 km ne ls Açores, 250 km na Madeira adonde se ancluen tamien las Ilhas Desertas, las Ilhas Salbaiges i la Ilha de l Porto Santo. La cuosta formou guapas praias, cun bariadade antre falésias i areales. Na Ilha de l Porto Santo ua formaçon de dunas de ourige ourgánica (al cuntrário de la ourige mineral de la cuosta pertuesa cuntinental) cun cerca de 9 km ye un punto turístico mui apreciado anternacionalmente. Ua caratelística amportante na cuosta pertuesa ye la Ria de Abeiro, stuário de l riu Bouga, acerca de la cidade de Abeiro, cun 45 km de cumprimiento i un mássimo de 11 km de anchura, rica an peixe i abes marinas. Eisisten quatro canhales, i antre estes bárias ilhas i ilhotas, i ye adonde quatro rius ancontran l ouceano. Cula formaçon de cordones litorales definiu-se ua laguna, bista cumo un de ls eilemientos hidrográficos más marcantes de la cuosta pertuesa. Pertual tenu ua de las maiores zonas eiconómicas sclusibas (ZEE) de la Ouropa, cobrindo cerca de 1 683 000 km².

Clima

Stáncia de squi na Serra de la Streilha.

An Pertual cuntinental, las temperaturas médias anuales son 13 °C ne l norte i 18 °C ne l sul. Las ilhas de la Madeira i de l Açores, debido a la sue localizaçon ne l Atlántico, son más húmidas i chubiosas, i cun un anterbalo de temperaturas menor. Normalmente, ls meses de la Primabera i Berano son ansolarados i las temperaturas son altas durante ls meses secos de Júlio i Agosto, podendo ocasionalmente passar de l 40 °C an buona parte de l paíç, an dies stremos, i cun maior frequéncia ne l anterior de l Alanteijo$2. Ls Berones son amenos nas tierras altas de l Norte de l paíç i na region litoránea de l stremo norte i central. L Outonho i l Ambierno son tipicamente bentosos, chubiosos i frescos, sendo más frius ne ls çtritos de l norte i central de l paíç, ne ls quales ocorren temperaturas negatibas durante ls meses más frius. Inda assi, nas cidades más al sul de Pertual, las temperaturas solo mui ocasionalmente çcen ambaixo de l 0 °C, quedando-se puls 5 °C na maiorie de l causos.

La niebe acuntece regularmente an trés çtritos al Norte de l paíç (Guarda, Bergáncia i Bila Rial) i deminui la sue ocorréncia an direçon al sul, até se tornar ineisistente na maior parte de l Algarbe. Ne l Ambierno, temperaturas anferiores la -10 °C i nebones ocorren cun algua frequéncia an puntos restritos, tales cumo la Serra de la Streilha, la Serra de l Gerés i la Serra de Montesinho, podendo nebar de Outubre la Maio nestes locales.

Percipales cidades

Lisboua (cerca de 500 000 habitantes – 3 milhones de habitantes na Region de Lisboua) ye la capital zde l seclo XII, a maior cidade de l paíç, percipal pólo eiconómico, detendo l percipal porto marítimo i aeroporto pertueses i ye la cidade más rica de Pertual cun un PIV per capita superior al de la média de la Ounion Ouropeia. Outras cidades amportantes son las de l Porto, (cerca de 240 000 habitantes – 1,5 milhones ne l Grande Porto) la segunda maior cidade i porto marítimo, Abeiro (cunsidrada la Beneza Pertuesa), Braga (Cidade de l Arcebispos), Chabes (cidade stórica i milenar), Coimbra (cula más antiga ounibersidade de l paíç), Guimarães (Cidade brício), Ébora (Cidade-Museu), Faro, Setúbal, Guarda, Leiria i Biseu. Na ária metropolitana de Lisboua eisisten cidades cun grande densidade populacional cumo Agualba-Cacén i Queluç (cunceilho de Sintra), Amadora , Almada, Setubal, Loures, Seixal, Barreiro, Montijo i Odibelas. Na ária metropolitana de l Porto ls cunceilhos más poboados son Bila Nuoba de Gaia, Porto, Maia, Matosinhos , Gondomar, Poboa de Barzim i Bila do Conde. Na Region Outónoma de la Madeira la percipal cidade ye l Funchal. Na Region Outónoma de l Açores eisisten trés cidades percipales – Punta Delgada, na ilha de San Miguel, Angra de l Heiroísmo na ilha Terceira i Horta na ilha de l Faial.

Lisboua – A maior cidade pertuesa i tamien la capital de Pertual (bista de l topo de l Cristo Rei)

Porto – Segunda maior cidade pertuesa

Eiquenomie

Ber artigo percipal: Eiquenomie de Pertual

Oceanário de Lisboua.

Zde 1985, l paíç antrou nun porcesso de modernizaçon nun ambiente bastante stable (1985 até a la atualidade) i juntou-se a la Ounion Ouropeia an 1986. Ls sucessibos gobiernos fazirun bárias reformas, pribatizórun muitas ampresas cuntroladas pul Stado i liberalizórun árias-chabe de la eiquenomie, ancluindo ls setores de las telecomunicaçones i financeiros. Pertual zambolbiu ua eiquenomie crecentemente baseada an serbícios i fui un de l onze nembros fundadores de la moeda ouropeia – l Ouro – an 1999. Ampeçou a circular la sue nuoba moeda an 1 de Janeiro de 2002 cun 11 outros stados nembros de la Ounion Ouropeia.

L crecimiento eiconómico pertués stubo arriba de la média de la Ounion Ouropeia na maior parte de la década de 1990. L PIB per capita ronda ls 76% de las maiores eiquenomies oucidentales ouropeias. La lista ourdenada anual de cumpetitibidade de 2005 de l Fórun Eiconómico Mundial (WEF – World Eiconomic Forun), coloca Pertual ne l 22º lugar, delantre de paízes cumo la Spanha, Irlanda, Fráncia, Bélgica i de la cidade de Hong Kong. Esta classeficaçon repersenta ua chubida de dous lugares face a la posiçon de 2004. Ne l cuntesto tecnológico, Pertual aparece na 20ª posiçon de la lista i na rubrica de las anstituiçones públicas, Pertual ye 15ª melhor.

An parte, cul recurso a fondos de la Ounion Ouropeia, l paíç fizo nas dues redadeiras décadas ambestimientos abultados an bárias anfraestruturas, çpondo hoije dua stensa rede de outo-stradas i beneficiando de buonas acessiblidades rodobiárias i ferrobiárias.

Puonte 25 de Abril an Lisboua, sob fuorte nebulosidade.

Cun un passado predominantemente agrícola, atualmente i debido a to l zambolbimiento que l paíç registou, la strutura de la eiquenomie baseia-se ne ls serbícios i na andústria, que repersentan 67,8% i 28,2% de l BAB. La agricultura pertuesa stá bien adatada debido al clima, relebo i tierras faborables. Nas redadeiras décadas, antensificou-se la modernizaçon agrícola, ambora inda cerca de 12% de la populaçon atiba trabalhe na agricultura. Las oulibeiras (4000 km²), ls binhedos (3750 km²), l trigo (3000 km²) i l milho (2680 km²) son porduzidos an árias bastante bastas. Ls binos (specialmente l Bino de l Porto i l Bino de la Madeira) i azeites pertueses son bastante apreciados debido a la sue qualidade. Tamien, Pertual ye pordutor de fruita de qualidade selecionada, nomeadamente las laranjas algarbias, la péra-peinha de la region Oeste, la cereija de la Gardunha i la banana de la Madeira. Outras porduçones son de horticultura ó floricultura, cumo la raba doce, ólio de girassol i tabaco.

La amportança eiconómica de la pesca ten benido a deminuir, ampregando menos de 1% de la populaçon atiba. La deminuiçon de l stocks de recursos piscatórios refletiu-se na reduçon de la frota pesqueira pertuesa que, ambora tenga benido a modernizar-se, inda ten dificuldade an cumpetir cun outras frotas ouropeias. Apesar de la reduzida stenson de la plataforma cuntinental pertuesa, eisiste algua dibersidade de speces nas augas de la ZEE de Pertual, ua de las maiores de la Ouropa. La frota pertuesa efetua catura an augas anternacionales i nas ZEE de outros paízes. Ne l sou to, las speces más caturadas son la sardina, l carapau, l polbo, l peixe-espada-preto, la cabalha i l atun. Ls portos cun maior zambarque de pescado, an 2001, fúrun ls de Matosinhos, Peniche, Olhon i Sesimbra.

Zona Eiconómica Sclusiba de Pertual.

Las maiores andústrias trasformadoras son ls téxteis, calçado, cabedal, mobliário, mármores, cerámica (de çtacar la Bista Alegre) i la corcha. Las andústrias modernas zambolbírun-se seneficatibamente: refinaries de petrólio, petroquímica, porduçon de cimento, andústrias de l altemoble i nabales, andústrias eilétricas i eiletrónicas, maquinarie i andústrias de l papel. Pertual ten un de ls maiores cumplexos de andústrias petroquímicas ouropeus situado an Sines i dotado dun porto. La andústria altemoble tamien ye relebante an Pertual i localiza-se an Palmela (a maior anfraestrutura ye la Outoeuropa), Setúbal, Porto, Abeiro, Braga, Santaren i Azambuja.

La corcha ten ua porduçon bastante seneficatiba: Pertual porduç 54% de la corcha porduzida ne l mundo. Ls recursos minerales más seneficatibos an Pertual son l cobre, l lítio (7), l bolfrámio (6) , l stanho, l uránio, feldspatos (11), sal-gema, talco i mármore Alguns de ls recursos naturales, tales cumo ls bosques que cobren cerca de 34% de l paíç, son nomeadamente: pinheiros (13500 km²), subreiros (6800 km²), carrascos (5340 km²) i eucalitos (2430 km²).

La baláncia comercial de Pertual ye, hai muito, deficitária, cul balor de las sportaçones a cobrir solo 65% de l balor de las amportaçones an 2006. Las maiores sportaçones corresponden als téxteis, bestuário, máquinas, material eilétrico, beiclos, eiquipamientos de trasporte, calçado, couro, madeira, corcha, papel, antre outras. L paíç amporta principalmente pordutos benidos de la Ounion Ouropeia: Spanha, Almanha, Fráncia, Eitália i Reino Ounido.

Einergie

Ber artigo percipal: Einergie an Pertual

Barraige de l Alqueba, Alanteijo

Pertual ye un paíç altamente deficitário an tenermos einergéticos, amportando atualmente a totalidade de l cumbustibles fósseis que cunsume. Tal fato amplica que an 2005 Pertual amportou 87,3 % de la einergie total que cunsumiu (an teps). Relatibamente a la porduçon de eiletricidade, Pertual porduziu an 2005 85 % de la eiletricidade que cunsumiu (amportando ls restantes 15 %). La porduçon doméstica total nesse mesmo anho fui 46 575 GWh repartida de l seguinte modo an tenermos de las fuontes outelizadas: nun renobables 80,8 % (carbon 32,7 %, gáç natural 29,2 %, petrólio 18,9 %); renobables 19,2 % (hidroelétrica 11 %, eiólica 3,8 %, biomassa 3,0 %, outras 1,4 %).

Einergies renobables

Parque eiólico an Bila Nuoba, Miranda de l Corbo.

L gobierno de Pertual pretende que até 2010, 45 % de la eiletricidade porduzida seia oubtida a partir de fuontes renobables. La Barraige de l Alqueba, ne l Alanteijo$2 — serbindo la eirrigaçon de ls campos i gerando einergie hidroelétrica, que criou l maior lago artificial na region oucidental de la Ouropa i fui un de ls maiores porjetos de ambestimiento de l paíç.

An 2007, fui einaugurada ua de las maiores centrales de einergie solar fotoboltaica de l mundo (11 MW), an Brinches, cunceilho de Serpa i an fase de custruçon ancontra-se aqueilha que será a maior de l mundo ne l sou tipo (62 MW), situada an Amareleija, cunceilho de Moura, cuja montaige deberá star totalmente cuncluída an 2010. Paralelamente la purmeira sploraçon comercial de l mundo de la einergie de las óndias de l mar antrou an funcionamiento an Setembre de 2008, 5 km al ancho de Aguçadoura, cunceilho de Póboa de Barzin. Tamien la poténcia anstalada an parques eiólicos será oumentada para 5100 MW an 2012 (contra ls 2000 MW anstalados até meados de 2007) anquanto la poténcia hidroelétrica anstalada deberá atingir ls 7000 MW an 2020 (contra ls cerca de 5000 MW de 2005). Ls ambestimientos an einergies renobables an Pertual poderán totalizar 12 mil milhones de ouros até 2012 i 120 mil milhones de ouros até 2020.

Trasportes

Ber artigo percipal: Trasportes an Pertual

Puonte Basco de la Gama, subre l Riu Teijo, a maior de la Ouropa

Ls trasportes fúrun ancarados cumo ua prioridade na década de 1990, subretodo debido al oumiento de la outelizaçon de beiclos altemobles i a la andustrializaçon.

Pertual fui un de ls purmeiros paízes de l Mundo a tener ua outo-strada, einaugurada an 1944, ligando Lisboua al Stádio Nacional, la fetura Outo-strada Lisboua-Cascales (atual A5). Inda assi, anque tenéren sido más tarde custruídos alguns outros troços nas décadas de 1960 i 1970, solo ne l final de la década de 1980 fui ampeçada la custruçon de outo-stradas an grande scala. Hoije an die la rede de outo-stradas pertuesas ye bastante zambolbida i percorre quaije to l território, ligando to l litoral i las percipales cidades de l anterior, nua stenson total de aprossimadamente 3000 km.

Hai inda ls Eitinerários Percipales (IP's) i ls Itinerários Cumplementares (IC's) que puoden ser custituídos por outo-stradas, bias rápidas (strada çtinada solo la tráfego motorizado, cun cruzamientos çnibelados i de acesso restrito a nós de ligaçon) i stradas nacionales. L paíç ten 68.732 km de rede de stradas, de ls quales cerca de 2600 km fázen parte dun sistema de outo-stradas. Destes, cerca de 900 km nun requíren l pagamiento de portaiges. Até 2012, la stenson de la rede de outo-stradas deberá oumentar até als 3187 km.

Las dues percipales árias metropolitanas ténen sistemas de metro: l Metro de Lisboua i l Metro Sul de l Teijo na Ária Metropolitana de Lisboua; i ne l Porto, l Metro de l Porto, cada ua cun más de 35 km de linhas.

Staçon de Santa Apolónia, ua de las percipales staçones de Pertual, situada an Lisboua

L trasporte ferrobiário de passageiros i mercadories ye feito outelizando ls 2791 km de linhas ferrobiárias atualmente an serbício, de ls quales 1430 ancóntran-se eiletrificados i aprossimadamente 900 permiten belocidades de circulaçon superiores als 120 km/h. La rede ferrobiária ye gerida pula REFER anquanto que ls trasportes de passageiros i mercadories son de la respunsablidade de la Caminos de Fierro Pertueses (CP), ambas ampresas públicas. An 2006 la CP trasportou 133 milhones de passageiros i 9,75 milhones de toneladas de mercadories.

La fase de cuncurso para la custruçon i sploraçon dua rede ferrobiária de alta belocidade, cun las ligaçones Lisboua–Madrid, Lisboua–Porto i Porto–Bigo, tenerá ampeço an 2008 para la purmeira, anquanto que ls cuncursos para las ligaçones Lisboua–Porto i Porto–Bigo deberan ser lançados an 2009. La sploraçon deberá ampeçar an 2013 nas ligaçones Lisboua–Madrid i Porto–Bigo i an 2015 na ligaçon Lisboua–Porto. L ambestimiento prebisto para estas trés ligaçones ye de 7790 milhones de ouros. An studo stan más dues linhas de alta belocidade: Abeiro–Salamanca i Ébora–Faro.

Transportes Aereos

Lisboua ten ua posiçon geográfica que a torna nun punto de scala para muitas cumpanhas aéreas strangeiras ne ls aeroportos an to l paíç. L Gobierno stá atualmente a studar l porjeto para la custruçon dun nuobo Aeroporto Anternacional an Alcochete, para sustituir l atual aeroporto de la Portela, an Lisboua (LIS). Atualmente, ls aeroportos más amportantes son ls aeroportos de Lisboua (Portela), Faro (FAO), Porto (Francisco Sá Carneiro) (OPO), Funchal (FNC) (Madeira' ') , Punta Delgada (Juan Paulo II - Açores (PDL)) , Terceira (TER) i Beja (BYJ). Altres aeroportos i aerodromos: Bergancia(BGC), Bila Rial(VRL), Cascais(PCS), Biseu(VSE), Porto Santo(PSO), Horta(HOR), Santa Maria (SMA), Braga(BGZ), Cobilha (COV), Chabes (CHV), Coimbra (PCO) , Abeiro (PAV), Ebora (PEV) i Portimao (PMR).

Quemunicaçones

Outo-Strada A28, ne l Norte de Pertual.

Pertual ten ua de las más altas taxas de penetraçon de telemobles ne l mundo, sendo que l númaro de apareilhos de quemunicaçones móbeis yá ultrapassou l númaro de la populaçon total (a la data de 2007, l númaro de outelizadores era de 13.413 milhones). Esta rede tamien ouferece conexones sin filo a la Anterneta moble, i abrange to l território. Ne l final de l purmeiro trimestre de 2008 eisistian an Pertual cerca de 1,713 milhones de outelizadores cun acesso a la Anterneta an banda ancha móbel i cerca 1,58 milhones de acessos a la Anterneta fixa, de ls quales aprossimadamente 1,52 milhones an banda ancha. Pula purmeira beç, l númaro de outelizadores de banda ancha moble ultrapassou l númaro de clientes de banda ancha fixa.

La maiorie de ls pertueses assiste a la telebison atrabeç de cabo. Tenendo an cunta ls crecimientos an ambas las tecnologies, ne l final de l purmeiro trimestre de 2008, ls assinantes de ls serbícios de Telebison por suscriçon suportados an redes de çtribuiçon por cabo ó satélite (DTH) repersentában cerca de 36,2 por ciento de l alojamentos, más 1 punto percentual de l que ne l trimestre anterior. La penetraçon destes serbícios cuntina a ser superior a la média nas Regiones Outónomas (que tamien berificórun crecimientos seneficatibos).. An 2006, surgiu un nuobo serbício de telebison de suscriçon baseado na tecnologie IPTB, telebison por anterneta.

Mas, Pertual inda nun ten l serbício de Telebison Degital Terrestre (TDT) çponible sendo prebista la sue antrada pa l anho de 2012. Las ouperadoras ampeçórun las simulaçones de eimissones degitales baseadas na tecnologie de trasmisson bídeo degital terrestre (DBB-T) an 2008, na ária de Lisboua.

Ligaçones a la Anterneta stan çponibles an muitos cafés, assi cumo an muitas staçones de correios. Puode-se tamien nabegar na Anterneta an houteles, centros comerciales i centros de cunferéncia, an que zonas speciales stan reserbadas para este fin. L libre acesso a la Anterneta tamien stá çponible als residentes an Pertual an "Spácios de Anterneta", spalhados pul paíç mas cun maior ancidéncia ne ls percipales centros populacionales.

Auga i saneamiento

Ber artigo percipal: Auga i saneamiento an Pertual

Pertual tamien modernizou l sou sistema de abastecimiento de auga i saneamento — nomeadamente atrabeç de l oumiento de la taxa de augas residuales tratadas cun apoio de susídios de la UE — para 80%. L paíç tamien criou un moderno quadro anstitucional i jurídico pa l setor de la auga i saneamento, ancluindo ua agéncia reguladora outónoma, chamada Augas de Pertual, i un grande númaro de multi-serbícios públicos municipales. Esta sustituiu anstitucionalmente ua strutura de l setor, al abrigo de l qual ls 308 munecípios de l paíç — muitos deilhes cun repersentaçon populacional ó geográfica cumparatibamente pequeinha — tenie cumpeténcia sclusiba para la auga i l saneamento.

Demografie

Ber artigo percipal: Demografie de Pertual

Populaçon de Pertual (ANS, Lhisboua)
Anho	Total	Bariaçon	Anho	Total	Bariaçon
1422	1 043 274	-	1900	5 423 132	+7,4%
1527	1 262 376	+21,0%	1911	5 960 056	+9,9%
1636	1 100 000	-12,9%	1920	6 032 991	+1,2%
1736	2 143 368	+94,9%	1930	6 825 883	+13,1%
1770	2 850 444	+33,0%	1940	7 722 152	+13,1%
1776	3 352 310	+17,6%	1950	8 441 312	+9,3%
1801	2 931 930	-12,5%	1960	8 851 289	+4,9%
1811	2 876 602	-1,9%	1970	8 568 703	-3,2%
1838	3 200 000	+11,2%	1981	9 852 841	+15,0%
1849	3 411 454	+6,6%	1991	9 862 540	+0,1%
1864	4 188 410	+22,8%	2001	10 356 117	+5,0%
1878	4 550 699	+8,6%	2007	10 617 575	+2,5%
1890	5 049 729	+11,0%	Refréncias:

Ls pertueses son, na sue ourige, cumpuostos por Celtas i Eiberos, Celtiberos i, maioritariamente, puls Lusitanos. Ls Galaicos ó "gallaeci" son de ourige celta i germánica. Ls Cónios i outras tribos menos seneficatibas custituen l resto de la ourige. Outras anfluéncias amportantes fúrun tamien ls Romanos (la Léngua pertuesa deriba de l Latin), ls Bisigodos i ls Suebos, todos ls quales poboórun l que ye hoije território pertués. Anfluéncias menores fúrun ls Griegos i ls Fenícios-Cartagineses (cun pequeinhas feitorias comerciales costeiras semi-permanentes), ls Bándalos (Silingos i Asdingos), ls Alanos (ambos spulsos ó parcialmente antegrados puls Bisigodos) i ls Berberes de l norte de África.

La populaçon pertuesa ye cumpuosta por 16,4% cun eidade cumprendida antre ls 0 i ls 14 anhos, 66,2% antre ls 15 i ls 64 anhos i 17,4% cun más de 65 anhos. La sperança média de bida ye de 78,04 anhos. An termos de alfabetizaçon, 93,3% sáben ler i screbir, tenendo la taxa de analfabetismo benido la decer al longo de l anhos. L crecimiento populacional queda ne ls 0,305%, nacendo 10,45 por cada mil habitantes i falecendo 10,62 por cada mil habitantes, l que faç cun que la populaçon nun steia a ser renobada, cuntribuindo para este fato la taxa de fertilidade que queda ne ls 1,49. Pertual ye un de ls paízes cun más baixa taxa de mortalidade anfantil (5 por mil) ne l mundo.

Anque Pertual ser un paíç zambolbido, inda eisiste populaçon sin acesso la auga ancanhada i eiletricidade, ambora an númaro bastante reduzido. L saneamiento básico inda nun abrange to l território, sendo la region de l Alanteijo$2 i de Lisboua i Bal de l Teijo adonde eisiste un maior númaro de populaçon cun acesso. Atualmente, inda eisiste un grande númaro de habitaçones cun fossa sética, anque alguas nun tenéren qualquier saneamento. L acesso a la salude ye garantido a to la populaçon, sendo l acesso als medicamientos garantido a 95 – 100% de la populaçon.

Bíben an Pertual acerca de 550 mil eimigrantes, l que repersenta aprossimadamente 5% de la populaçon pertuesa, sendo la maiorie ouriunda de l Brasil (66.700), seguida de la Oucránia (65.800) i de Cabo Berde (64.300), antre outros, tales cumo Muldábia, Roménia, Guiné-Bissau, Angola, Timor-Leste, Moçambique, San Tomé i Príncepe i Rússia.

Eiboluçon de la populaçon pertuesa antre 1961–2003 (númaro de habitantes an miles; fuonte FAO, 2005)

Lénguas

Mundo Lusófono

La léngua oufecial de la República Pertuesa ye l pertués, que, cun más de 210 milhones de falantes natibos, ye la quinta léngua más falada ne l mundo i la terceira más falada ne l mundo oucidental. Lhéngua oufecial de Pertual i de l Brasil, i elhéngua oufecial, an cunjunto cun outros elhénguas, de Angola, Cabo Berde, Guiné-Bissau, Macau, Moçambique, San Tomé i Príncepe i Timor-Leste, sendo falada na antiga Índia Pertuesa (Goa, Damon, Diu i Dadrá i Nagar-Aveli), para alhá de tener tamien statuto oufecial na Ounion Ouropeia, na Ounion de Naciones Sul-Amaricanas i na Ounion Africana.

Son inda reconhecidas i protegidas oufecialmente:

• la léngua gestual pertuesa
• l mirandés, portegida oufecialmente ne l cunceilho de Miranda de l Douro, cun ourige ne l asturo-leonés, ansinada cumo segunda léngua facultatiba an scuolas de l cunceilho de Miranda de l Douro i parte de l cunceilho de Bimioso. L sou uso, inda assi, ye bastante restrito, stando an curso açones que garantan ls dreitos lenguísticos a la sue quemunidade falante.

La léngua pertuesa ye ua léngua románica (de l grupo ibero-románico), tal cumo l castelhano, catalan, eitaliano, francés, romeno i outros.

L pertués ye coincido cumo la léngua de Camões (por causa de Luís de Camões, outor de Ls Lusíadas), la redadeira flor de l Lácio, spresson ousada ne l soneto Léngua Pertuesa de Olabo Bilac ó inda la doce léngua por Miguel de Cervantes.

Sociadade

Eiducaçon

Ber artigo percipal: Eiducaçon an Pertual

Ounibersidade de Coimbra.

L Sistema Eiducatibo an Pertual ye regulado pul stado atrabeç de l Menistro de la Eiducaçon, i de l Menistro de la Ciéncia, Tecnologie i Ansino Superior. L sistema de eiducaçon pública ye l más ousado i más bien amplementado, eisistindo tamien scuolas pribadas an todos ls nibles de eiducaçon.

An Pertual la eiducaçon ye ampeçada oubrigatoriamente para todos ls alunos als 6 anhos de eidade. La scolaridade oubrigatória ye de 9 anhos, habendo antençon de prolongamiento até 12 anhos. L purmeiro nible de ansino, l Ansino Básico, stá debedido an ciclos:

• 1.º ciclo (1.º al 4.º anho);
• 2.º ciclo (5.º al 6.º anho);
• 3.º ciclo (7.º al 9.º anho).

Ne l final de cada ciclo, ls alunos rializan probas de aferiçon (1.º i 2.º ciclos) i eisames nacionales (3.º ciclo), a las deciplinas de Léngua Pertuesa i Matemática. Las probas abaluan ls alunos subre la matéria lecionada durante l ciclo correspondente.

L ciclo seguinte nun ye oubrigatório, i ye zeignado por Ansino Secundário, abrangendo ls 10.º, 11.º i 12.º anhos. Ten un sistema de ourganizaçon própio, defrente de ls restantes ciclos. La mudança de ciclo puode, an bários causos, ser marcada pula mudança de scuola, sendo, por eisemplo, las scuolas que abrange l 1.º ciclo más pequeinhas que las restantes, tenendo an média cerca de 200 alunos, anquanto que las de l 2.º i 3.º ciclos i las secundárias puoden facilmente atingir ls 2000 alunos.

Torre Norte de l Anstituto Superior Técnico

Eisiste inda la possiblidade de qualquiera studante poder frequentar Cursos de Formaçon i de Eiducaçon, que dan eiquibaléncia al 9.º anho, i Cursos Porfissionales, que dan eiquibaléncia al 12.º. Para para alhá de las halbelitaçones literárias, l studante recibe inda certificaçon porfissional. Assi, todos ls studantes puoden cuncluir l Ansino Secundário, an regime diurno ó noturno. Estes cursos stan çponibles an scuolas porfissionales ó mesmo an scuolas quemuns.

Las ounibersidades pertuesas eisisten zde 1290, sendo la purmeira la Ounibersidade de Coimbra, inda assi, stableciu-se purmeiramente an Lisboua antes de se fixar definitibamente an Coimbra. Las ounibersidades son giralmente ourganizadas an faculdades. anstitutos i scuolas tamien son quemuns a las chamaçones de las subdebisones de las anstituiçones outónomas de l ansino superior, i son siempre outelizadas ne l sistema politécnico. L sou angresso ye feito atrabeç de la média final que l aluno oubtebe ne l Ansino Secundário, i passado la rializaçon de ls eisames neçairos. La Declaraçon de Bolonha fui aporfilhada zde 2006 pulas ounibersidades i anstitutos politécnicos pertueses.

An termos statísticos, la taxa de alfabetizaçon ne ls adultos arriba de 15 anhos que puoden ler i screbir queda ne ls 93,3%, sendo la taxa de ls homes 95,5% i de las mulhieres an 91,3% (stimatibas de 2003). Las matrículas para la scuola purmária stan próssimas de l 100%. Solo 20% de la populaçon pertuesa an eidade de frequentar un curso de ansino superior, frequenta las anstituiçones de ansino superior de l paíç. Para para alhá de ser un de ls percipales çtinos pa ls studantes anternacionales, Pertual stá tamien antre ls percipales locales de ourige de studantes anternacionales. Todos ls studantes de l ansino superior, tanto a studar ne l paíç cumo ne l estrangeiro, totalizórun cerca de 380 mil alunos an 2005.

Salude

Ber artigo percipal: Salude an Pertual

Spital de San Teotónio, an Biseu.

L sistema de salude pertués ye caratelizado por trés sistemas coeisistentes: l Serbício Nacional de Salude (SNS), ls regimes de siguro social de salude speciales para detreminadas porfissones (susistemas de salude) i siguros de salude de boluntariado pribados. L SNS ouferece ua cobertura ounibersal. Para alhá desso, cerca de 25% de la populaçon ye cubierto por susistemas de salude, 10% an siguros pribados i outros 7% an fondos mútuos.

L Menistério de la Salude ye respunsable pul zambolbimiento de la política de la salude, bien cumo de gerir l SNS. Cinco admenistraçones regionales de salude son respunsables pula eisecuçon de ls oubjetibos de la política nacional de salude, zambolbimiento de ourientaçones i protocolos i superbisionar la prestaçon de cuidados de salude. Ls sfuorços para la çcentralizaçon ténen se çtinado a trasferir la respunsablidade financeira i de geston a nible regional. Na prática, mas, la outonomie de las admenistraçones regionales de salude subre definiçon de ourçamiento i de las çpesas fui lemitada als cuidados purmários. L SNS ye predominantemente financiado atrabeç dua tributaçon giral. Las cuntribuiçones de ls ampregadores (ancluindo l Stado) i de ls ampregados repersentan las percipales fuontes de financiamiento de ls susistemas de salude. Para alhá desso, ls pagamientos diretos pul paciente i ls prémios de siguros boluntários de salude represéntan ua grande percentaige de financiamento.

Semelhante als outros paízes de la Ouropa, an Pertual la maiorie de la populaçon muorre cun malinas nó-trasmissibles. La mortalidade debido la malinas cardiobasculares (DCB) ye maior de l que na Zona Ouro, mas las sues dues percipales cumponentes, la malina cardíaca i la malina cerebrobascular, amóstran las tendéncias an relaçon ambersa cula Ouropa, cula malina cerebrobascular sendo a maior causa de muorte an Pertual (17%). duoze por ciento de la populaçon morre de cáncaro cun menos frequéncia de l que na Ouropa, mas nun ye deminui la taxa de mortalidade tan debrebe cumo na Ouropa. L cáncaro ye más frequente antre ls ninos, bien cumo antre las mulhieres más moços, cun eidade anferior a 44 anhos. Ambora l cáncaro de l pulmon (lentamente oumentando antre las mulhieres) i l cáncaro de la mama (deminuindo debrebe) nun afeten tanto, l cáncaro de l colo de l útero i de la próstata son más frequentes. Pertual ten la más alta taxa de mortalidade por diabretes na Ouropa, cun un oumiento acentuado zde ls finales de la década de 1980.

An Pertual, la taxa de mortalidade anfantil caiu acentuadamente zde la década de 1980, quando 24 an cada 1000 recén-nacidos morrian ne l purmeiro anho de bida. Agora, ye cerca de 3 muortes por cada 1000 recén-nacidos. Esta melhorie debiu-se percipalmente a la deminuiçon de la mortalidade neonatal, de 15,5 para 3,4 por cada 1000 nacidos bibos.

Las pessonas son giralmente bien anformadas subre l sou stado de salude, ls eifeitos positibos i negatibos de ls sous cumportamientos an relaçon a la sue salude i la sue outelizaçon de ls serbícios de salude. Mas las percepçones subre la salude puoden diferir de l que ye admenistratibo i na análeze baseada an dados que amóstran ls nibles de malina nas populaçones. Assi, ls resultados de anquéritos baseados an outo-refréncia la nible de l agregado familiar cumplementar, outros dados subre stado de salude i a la outelizaçon de l serbícios. Solo un terço de ls adultos classeficórun la sue salude cumo buona ó mui buona an Pertual . Esto ye menor de l que ne ls paízes de la Eur-La que eilaborórun estes relatórios i reflete la situaçon relatibamente adbersa de l paíç an tenermos de mortalidade i morbidade.

D'acordo cul redadeiro Relatório de Zambolbimiento Houmano, la média de bida an 2006 fui de 77,9 anhos.

Ciéncia i Tecnologie

Ber artigo percipal: Ciéncia i tecnologie an Pertual

Eidifício de la Reitorie de la Ounibersidade Nuoba de Lisboua.

Las atibidades de ambestigaçon científica i tecnológica an Pertual son subretodo cunduzidas ne l ámbito dua rede de ounidades de I&D pertencentes a ounibersidades públicas i statales de geston outónoma de ambestigaçon, an anstituiçones cumo l INETI – Anstituto Nacional de Angenharie, Tecnologie i Inobaçon. L financiamiento deste sistema de ambestigaçon ye cunduzido principalmente sob la outoridade de l Menistério de la Ciéncia, Tecnologie i Ansino Superior. Las maiores ounidades de I&D de las ounibersidades públicas, an númaro seneficatibo de publicaçones, que alcançou l reconhecimiento anternacional, ancluen anstituiçones de ambestigaçon de biociéncias cumo l Anstituto de Medecina Molecular, l Centro de Neurociéncias i Biologie Telemoble, l IPATIMUP, i l Anstituto de Biologie Molecular i Telemoble. Dentre las ounibersidades pribadas, centros de ambestigaçon notables ancluen l Laboratório de Spresson Facial de la Emoçon. De ls centros de ambestigaçon notables apoiados pul Stado, stá l Laboratório Anternacional Eibérico de Nanotecnologie, un sfuorço de ambestigaçon cunjunta antre Pertual i Spanha. Antre las maiores anstituiçones nun statales stá l Anstituto Gulbenkian de Ciéncia i la Fundaçon Champalimaud, que atribui anualmente un de ls más eilebados prémios monetários de l mundo relacionado cula ciéncia. Ua série de ampresas nacionales i multinacionales de alta tecnologie, son tamien respunsables por porjetos de ambestigaçon i zambolbimento. Ua de las más antigas academias de Pertual ye la Academia de las Ciéncias de Lisboua.

Pertual fizo acordos cun bárias ourganizaçones científicas ouropeias cun bista a la plena adeson. Estas ancluen la Agéncia Spacial Ouropeia (ESA), l Laboratório Ouropeu de Física de Partículas (CERN), l ITER, i l Ouserbatório Ouropeu de l Sul (ESO). Pertual ten entrado an acordos de coperaçon cul MIT (I.U.La.) i outras anstituiçones norte-amaricanas, la fin de zambolber i oumentar la eficácia de l ansino superior i de ambestigaçon an Pertual.

Cultura

Ber artigo percipal: Cultura de Pertual

Pabilhon Rosa Mota, Porto.

Arquitetura

Ber artigo percipal: Arquitetura de Pertual

La Arquitetura Popular Pertuesa marcou la arquitetura pertuesa de ls anhos 50 que prebaleciu até al final de l Salazarismo. Assiste-se hoije, an Pertual, a un fenómeno cumplementar i inobador, la arquitetura cuntemporánea, ne l ámbito de la arquitetura pertuesa que, cuntrapone la, cunceitos bielhos i cunserbadores de tradiçones i modos de ouperar, a ua antençon afirmada, de inobar l spácio i custrui-lo cun cunceitos, materiales i técnicas que permitan bibir an pleno la cuntemporaneidade. La arquitetura cuntemporánea cruza bárias geraçones an simultáneo que marcórun i cuntinan a marcar arquitetura pertuesa, zde meados de l seclo XX até als nuossos dies. Fernando Távora, Manuel Tainha, Álvaro Siza, Vítor Figueiredo, Gonçalo Byrne, Eduardo Souto Moura, Filipe Oliveira Dias, Tomás Taveira i Carrilho da Graça son ls arquitetos que traduzen l que de melhor se porduç, de arquitetura, an Pertual. Inda assi, estes porjetos totalizan ua pequeníssima parte de las custruçones efetuadas ne l paíç.

Literatura

Ber artigo percipal: Literatura de Pertual

Fexeiro:Jose Saramago-Sep2006.jpg

José Saramago, bencedor de l Prémio Nobel de la Literatura, ye cunsidrado l respunsable pul efetibo reconhecimiento anternacional de la léngua pertuesa.

Na literatura pertuesa, ye eiminente la poesie, stando antre ls maiores poetas pertueses de todos ls tiempos Luís de Camões , Fernando Pessoa, Bocage , Antonio Nobre I Sophia de Mello Breyner Andresen als quales se puode acrescentar Eugénio de Andrade, Florbela Espanca, Cesário Verde, António Ramos Rosa, Mário Cesariny, Antero de Quental i Herberto Helder, antre outros. Na prosa, Damião de Góis, l Padre António Vieira, Almeida Garrett, Eça de Queirós, Camilo Castelo Branco, Miguel Torga, Fernando Namora, José Cardoso Pires, António Lobo Antunes, José Luís Peixoto i José Saramago (Noble de Literatura) son nomes de grande relebo. Ne l triato, çtaca-se la figura maior de Gil Vicente, António José da Silva – dezido "l Judiu" – i Bernardo Santareno.

Música

Ber artigo percipal: Música de Pertual

Mariza an cuncerto ne l Pabilhon Atlántico.

La música tradicional pertuesa ye bariada i mui rica. De l folclore fázen parte las balças de l bira, de l Minho, de ls Pauliteiros de Miranda, de la zona mirandesa, de l Corridinho de l Algarbe ó de l Beilinho, de la Madeira. Strumientos típicos son l cabaquinho, la gaita-de-fuoles, l acordeon, l biolino, ls tambors, la guitarra pertuesa (strumiento caratelístico de l fado) i ua bariadade de strumientos de sopro i percusson. Inda na cultura popular eisisten las bandas filarmónicas que reperséntan cada localidade i tócan bários stilos de música, zde a popular a la clássica, sendo las bandas pertuesas de las que melhor qualidade artística ténen.

L más coincido stilo de música pertués ye l Fado, cuja antérprete más célebre fui Amália Rodrigues. Outros cantores cumo Alfredo Marceneiro, Vicente da Câmara, Nuno da Câmara Pereira, Frei Hermano da Câmara, António Pinto Basto, Lenita Gentil , Linda de Suza i Hermínia Silva tamien se çtinguiran cumo fadistas. Inda assi, l Fado ten tamien ne ls redadeiros anhos assistido al aparecimiento de moços cantores que atinge grande éxito, cumo Camané, Mariza, Ana Moura, Mafalda Arnauth i Mísia, antre outros, bien cumo de moços guitarristas cumo Bernardo Couto.

Recentemente, atrabeç de l Madredeus i de cantores cumo Mariza ó Dulce Pontes, la música pertuesa ten atingido un patamar de reconhecimiento anternacional i ten ajudado a dibulgar la léngua pertuesa an to l mundo.

La nible de anstrumentistas merece rialce la carreira i cumposiçones de l guitarrista Carlos Paredes, l más coincido mestre de guitarra pertuesa.

Bista anterior de l ouditório de la Casa de la Música.

Refréncias de la cançon de finales de l seclo XX (percipalmente de l período pré i pós-rebolucionário) son Zeca Afonso, Sérgio Godinho, ls Trovante antre outros. Mesmo sendo inda l fado l género más coincido para alhá frunteiras, la "nuoba" música pertuesa tamien ten un papel amportante, demunstrando grande oureginalidade. Mafalda Veiga, Sara Tavares, Cristina Branco, Lúcia Moniz, Jorge Palma, Rui Veloso, Clã, GNR, Ornatos Violeta, Xutos & Pontapés, Moonspell, Da Weasel, Tiago Bettencourt, Fingertips i Primitive Reason son solo alguns de ls nomes más coincidos, ando de l rock, a la pop-eiletrónica i al rap, antre outros stilos.

La música eirudita pertuesa custitui un capítulo amportante de la música oucidental. Al longo de l seclos, subressalírun nomes de cumpositores i antérpretes cumo ls trobadores Martim Codax i D. Deniç, ls polifonistas Duarte Lobo, Filipe de Magalhães, Manuel Cardoso i Pedro de Cristo, l ourganista Manuel Rodrigues Coelho l cumpositor i crabista Carlos Seixas, la cantora Luísa Todi, l sinfonista i pianista João Domingos Bomtempo ó l cumpositor i musicólogo Fernando Lopes Graça. L período de ouro de la música pertuesa coincidiu, çcutiblemiente, cul apogeu de la polifonia clássica ne l seclo XVII (Scuola de Ébora, Santa Cruç de Coimbra). Antre las grandes refréncias atuales, pontifican ls nomes de ls pianistas Artur Pizarro, Maria João Pires, Olga Prats i Sequeira Costa, de la bioletista Anabela Chaves, de l biolinista Carlos Damas, de l cumpositor Emmanuel Nunes, de l cumpositor i maestro Álvaro Cassutto. Las orquestras sinfónicas más amportantes son la Orquestra de la Fundaçon Gulbenkian, la Orquestra Nacional de l Porto i la Orquestra Sinfónica Pertuesa. Ne l que diç respeito a la ópera, l Triato Nacional de San Carlos an Lisboua ye l más repersentatibo.

Gastronomie

Ber artigo percipal: Gastronomie de Pertual

Un copo de bino de l Porto.

La gastronomie ye mui rica an bariadade i de l agrado de nacionales i strangeiros an giral. Cada zona de l paíç ten ls sous pratos típicos, ancluindo ls más dibersificados alimentos, passando pulas chichas de ganado, carneiro, cochino i abes, puls bariados anchidos, pulas dibersas speces de peixe fresco i marisco (grande bariadade de pratos de bacalhau). Antre ls queisos subressaen ls de la Serra de la Streilha i de Azeiton, antre muitos outros.

Pertual ye un paíç fuortemente binícola, sendo célebres ls binos de l Douro, de l Alanteijo$2 i de l Dan, ls binos berdes de l Minho, i ls licorosos de l Porto i de la Madeira. An doçarie, i por antre ua einorme bariadade de receitas tradicionales, son mui famosos ls chamados pastéis de Belén, mantendo-se l segredo de la sue cunfeçon bien guardado, assi cumo ls uobos dóndios de Abeiro, l pastel de Tentúgal, la sericaia ó l pan-de-ló de Obar, a par de muitos outros.

De antre ls pratos típicos, son de çtacar l cozido a la pertuesa, l bacalhau a la Brás, a la Gomes de Sá ó an pastéis, las spetadas de la Madeira, l cozido bulcánico de ls Açores (San Miguel) , l leiton assado a la moda de la Bairrada ls cherrelhones de Abeiro i de l Minho, la chanfana de la Beira, la chicha de cochino a la alanteijana, ls peixes grelhados (an to l paíç), las tripas (de la region de l Porto), las pataniscas (de la region de Lisboua) ó l gaspacho (de l Alanteijo$2 i Algarbe). La cozina pertuesa anfluenciou tamien outras gastronomies, tales cumo la japonesa, cula antroduçon de la tempura.

Çporto

Ber artigo percipal: Çporto de Pertual

Adetos pertueses apoian la Seleçon Pertuesa de Futebol.

L futebol ye l más coincido, amado i praticado çporto an Pertual. L lendário Eusébio ye inda un grande simblo de la stória de l futebol pertués i ls más recentes fenómenos de popularidade Luís Figo, Vítor Baía, Rui Costa, João Vieira Pinto i Cristiano Ronaldo stan antre ls numerosos eisemplos de outros futebolistas de renome mundial nacidos an Pertual.

Eiquipa	Çporto	Fundaçon	Liga	Stádio	Capacidade	Treinador
Sport Lisboa e Benfica (SLB)	Futebol	28 de Febreiro de 1904	Liga Pertuesa	Estádio do Sport Lisboa e Benfica (Estádio da Luz)	65.200	Rui Vitória
Sporting Clube de Portugal (SCP)	Futebol	1 de Júlio de 1906	Liga Pertuesa	Estádio José Alvalade – Século XXI	50.095	Jorge Jesus
Futebol Clube do Porto (FCP)	Futebol	28 de Setembre de 1893	Liga Pertuesa	Estádio do Dragão	52.202	Nuno Espirito Santo

Las modalidades çportibas an que l paíç más se çtaca la nible anternacional son, para alhá de l futebol, la bela, eiquitaçon, l judo, l ciclismo, la sgrima, l hóquei an patines, l atletismo i l tiro. Pertual participou an todos ls Jogos Oulímpicos de Berano zde ls Jogos de 1912, tenendo tenido 4 medalhas de ouro an atletismo (Carlos Lopes ne ls Jogos de 1984, Rosa Mota ne ls Jogos de 1988, Fernanda Ribeiro ne ls Jogos de 1996 i Nelson Évora ne ls Jogos de 2008) i numerosas medailhas de prata i bronze ne ls restantes çportos.

Turismo

Ber artigo percipal: Turismo an Pertual

Praia de la Marina, Algarbe.

L Algarbe, ne l Sul de Pertual, ye por eiceléncia un pólo turístico anternacional, de muitos nacionales i ouropeus, subretodo británicos. L clima i la temperatura de la auga son ls percipales fatores que cuntribuen pa l grande crecimiento de l turismo nesta region.

Yá Lisboua atrai muitos turistas pula stória i pul recheio de menumientos (cumo l Alcadute de las Augas Libres, la Sé Catedral, la Baixa Pombalina, la Torre de Belén i l Mosteiro de l Jerónimos). Ls sous grandes puntos turísticos son ls museus nacionales de Arte Antiga, de l Coches i de l Azuleijo, la Fundaçon Calouste Gulbenkian, l Centro Cultural de Belén i l Triato Nacional de San Carlos. De çtacar tamien l Ouceanário de Lisboua, la diberson noturna i to la ária ambolbente al recinto de la Sposiçon Mundial de 1998.

La Península de Setúbal ten bárias caratelísticas naturales i culturales çtacando-se la Serra de la Arrábida, las praias de Almada i Sesimbra, la baía natural de l Seixal, las salinas de Alcochete, ls molinos de maré, las ambarcaçones típicas de l Teijo i Sado, las antigas bilas piscatórias i to la fauna i flora ribeirinha.

Region de l Alto Douro Binhateiro

Ne l norte, l Porto ye ua cidade que ben cunquistando un lugar de relebo ne l panorama cultural de l paíç i de la Ouropa. Fui Capital Ouropeia de la Cultura an 2001. La Fundaçon de Serralbes i la Casa de la Música son de besita oubrigatória, bien cumo la Torre de l Clérigos (ex- libris de la cidade) i la Sé çtacando-se tamien l Triato Nacional San Juan, ls Jardines de l Palácio de Cristal i to la zona de l centro stórico.

La Madeira ye tamien un pólo turístico anternacional, to l anho, tanto pul sou clima ameno i paisaiges suberantes, cumo pul sou rébeillon cul maior spetaclo de fuogo-de-artifício de l mundo, las sues flores, l anternacionalmente coincido Bino de la Madeira i la sue caratelística gastronomie.

Na lista de l Património Mundial ancontran-se ls centros stóricos de l Porto, Angra de l Heroísmo, Guimarães, Ébora i Sintra. San tamien Património Mundial l Mosteiro de l Jerónimos, la Torre de Belén, l Mosteiro de Alcobaça, l Mosteiro de la Batailha, l Cumbento de Cristo an Tomar, ls sítios de arte rupestre de l Bal de l Cóa, la floresta laurissilba de la Ilha de la Madeira, i las paisaiges bitibinícolas de la Ilha de l Pico i de l Alto Douro Binhateiro.

Bista subre la Bila de Sintra.

L Algarbe i la Madeira tamien son locales de eileiçon por turistas strangeiros i nacionales para la prática de golfe, çporto para cuja prática l paíç apersenta eicelentes cundiçones.

Pertual ye tamien un pais adonde se pratica, para alhá de muitos outros çportos, surf. Antre ls melhores lugares pa praticar stan l Guincho, Peniche, Ericeira, Carcabelos, San Pedro i San Juan de l Estoril, Cuosta de la Caparica i San Torpes.

Outras atraçones amportantes turísticas son las cidades de Braga (Centro Stórico, Bun Jasus i Bracalándia), Bergáncia (Centro Stórico, Castielho i Triato Municipal), Chabes (centro stórico i termas), Coimbra (ounibersidade, judiarie i Pertual de l Pequenitos), Bila Rial (Solar de Mateus i Triato Municipal), Cobilhana i region ambolbente (Serra de la Streilha), las Aldés Stóricas de la Beira Baixa i Beira Alta, Monsaraç i Marbon.

La floresta pertuesa potencia tamien la outelizaçon turística, sendo de çtacar l solo parque nacional pertués (Parque Nacional de la Peneda-Gerés).

Religion

Ber artigo percipal: Religion an Pertual

Nuossa Senhora de Fátima.

La maiorie de ls Pertueses (cerca de 84,5% de la populaçon total – segundo ls resultados oufeciales de ls censos 2001), anscreben-se nua tradiçon católica. La prática dominical de l Catolicismo segundo un studo de la própia Eigreija Católica (tamien de 2001) ye rializada por 1.933.677 católicos praticantes (18,7% de la populaçon total) i l númaro de quemungantes ye de 1.065.036 (10,3% de la populaçon total). Cerca de metade de ls casamientos rializados son casamientos católicos, ls quales pordúzen outomaticamente eifeitos cebiles. L dibórcio ye premitido, cunforme stablecido ne l Código Cebil, por mútuo cunsentimiento ó por requerimiento ne l tribunal por un de l cónjuges, anque l Dreito Matrimonial Canónico nun preber esta figura. Eisisten binte dioceses an Pertual, agrupadas an trés porbíncias eclesiásticas: Braga, Lisboua i Ébora.

L protestantismo an Pertual ten bárias chamaçones atuantes maioritariamente de cultos cun anspiraçon eibangélica neopentecostal (s: Assemblé de Dius i Eigreija Maná) ó de eimigraçon brasileira (s: IURD) .

Mosteiro de ls Jerónimos.

Las Teçtemunhas de Jeobá cúntan cun cerca de 50.000 praticantes an Pertual, çtribuídos por cerca de 650 cungregaçones, sendo que ls simpatizantes alcánçan un númaro similar. Más de 95.000 pessonas assistírun an 2007 a la sue percipal celebraçon, la Comemoraçon de la Muorte de Cristo. La religion stá persente ne l paíç zde 1925, tenendo sido proscrita oufecialmente antre 1961 i 1974, período an que ouperou na clandestinidade. An Dezembre de 1974, la Associaçon de las Teçtemunhas de Jeobá fui legalmente recoincida, tenendo hoije la sue sede an Alcabideche. Pertual ye un de ls 236 paízes adonde esta chamaçon relegiosa se ancontra atualmente atiba.

La quemunidade judaica an Pertual cunseguiu mantener-se até a la atualidade, nun oustante la orde de spulson de ls Judius la 5 de Dezembre de 1496 por decreto de l Rei D. Manuel I, oubrigando muitos a scolher antre cumbersones fuorçadas ó la afetaba spulson de l paíç, ó a la prison i cunsequentes penas decretadas pula Anquisiçon pertuesa, que, percisamente por este motibo acabou por ser ua de las más atibas na Ouropa. La forma cumo l culto se zambolbiu na bila raiana de Belmonte ye un de ls eisemplos de perseberança de ls judius cumo ounidade an Pertual. An 1506, an Lisboua, dá-se un massacre de Judius an que perdírun la bida antre 2.000 i 4.000 pessonas, un de ls más biolentos na época, a nible ouropeu.

Eisisten inda minories eislámicas (15 000 pessonas) i hindus, cun base, na sue maiorie, an çcendentes de eimigrantes, bien cumo alguns focos puntuales (alguns solo la nible regional) de budistas, gnósticos i spritas.

La Custituiçon Pertuesa garante libardade relegiosa total i la eigualdade antre religiones, apesar de la Cuncordata que pribilegie la Eigreija Católica, an bárias dimensones de la bida social, pul que ye quemun, an alguas cerimónias oufeciales públicas cumo inauguraçones de eidifícios ó eibentos oufeciales de Stado, haber la persença dun repersentante de la Eigreija Católica. Inda assi, la posiçon relegiosa de ls políticos eileitos ye normalmente cunsidrada eirrelebante puls eileitores. A eisemplo desso, dous de ls redadeiros Persidentes de la República (Mário Soares i Jorge Sampaio) éran pessonas assumidamente laicas.

Meios de quemunicaçon social

La quemunicaçon social an Pertual stá bien persente, sendo la telebison l meio de quemunicaçon más anfluente.

Rádio

Sede de la Rádio i Telbison de Pertual an Lisboua.

La rádio apareciu an Pertual ne l segundo quartel de l seclo XX. Las purmeiras eimissones, an Óndia Média, rializórun-se an 1932, pula anton Eimissora Nacional, fundada oufecialmente an 1935, mas eisistente zde 1930, aquando dun decreto que criou, na dependéncia de l CTT, la Direçon de ls Serbícios Radio eilétricos, outorizando, an simultáneo, la aquisiçon de ls purmeiros eimissores de Óndia Média i Óndia Cúrtia an Pertual. An 1934, rializórun-se las purmeiras eimissones an Óndia Cúrtia. La Eimissora Nacional fui eissencialmente definida a la eimaige de cungéneres ouropeias. Cuncebida nun quadro político anterno i sterno an que las rádios nacionales zampenhában subretodo un papel de beiclo de ls antresses de l Gobierno, esta caratelística acentuou-se inda más ne l causo pertués an funçon de l regime totalitário que bigorou até 1974. Apuis de la chimpa de l regime, las staçones radiofónicas son nacionalizadas i ye criada la RDP – Radiodifuson Pertuesa. La sue eiboluçon prosseguiu, cun reorganizaçones anternas i reformas, i hoije ye chamada de RTP – Rádio i Telebison de Pertual. Atualmente, la RTP, ampresa pública statal, ten trés eimissoras: Antena 1, Antena 2 i Antena 3. Para para alhá destas, eisisten eimissoras pribadas, sendo las más coincidas i antigas, la Rádio Renacença, la Rádio Comercial i l Rádio Clube Pertués. Tamien eisisten cerca dua ciento de rádios locales i regionales, sendo la Rádio Voç de Alenquer, la Rádio Seixal i la Rádio Festibal las que se çtacan pula grande aposta na música pertuesa. Cula eiboluçon tecnológica, ye possible oubir la trasmisson radiofónica pula Anterneta i por telemoble.

Telebison

La telebison apareciu an Pertual na década de 50 de l seclo XX. Por einiciatiba de l Gobierno, la custituiçon de la RTP – Radiotelebison Pertuesa, SARL ye feita la 15 de Dezembre de 1955. Trataba-se, antoce dua sociadade anónima, cun capital tripartido antre l Stado, eimissoras de radiodifuson pribadas i particulares. Las eimissones spurmentales de la RTP (más tarde, coincida cumo RTP1) ampeçórun-se an 1956, a partir de la Feira popular, an Lisboua. Inda assi, las eimissones regulares, solo se ampeçarian a partir de 7 de Márcio de 1957. Debido a la necidade de ourganizar la porgramaçon de forma a sastifazer ls telespetadores, criou-se la RTP 2, an 1968. Passado l 25 de Abril de 1974, l statuto de la ampresa cuncessionária de la radiotelebison fui alterado. An 1975, la RTP fui nacionalizada, trasformando-se na ampresa pública Radiotelebison Pertuesa, más tarde Rádio i Telebison de Pertual. Ne ls finales de l seclo, l Stado cuncediu licença para la criaçon de dues staçones de telebison: SIC (1992) i TVI (1993). Atualmente, estes son ls solos quatro canhales an senhal abierto eisistentes an Pertual. Para para alhá de ls canhales nacionales, eisisten dous regionales: RTP Açores (1975) i RTP Madeira (1972). La RTP i la SIC ténen canhales anternacionales i por cabo. An Pertual tamien ye possible assistir a canhales por cabo i bie satélite.

Amprensa

L jornal Açoriano Ouriental ye l jornal más antigo de Pertual i stá antre ls dieç más antigos de l Mundo. Fui fundado a 18 de Abril de 1835, nun período que correspunde a un momiento áureo de l jornalismo la nible nacional i anternacional. Quatro meses antes de l aparecimiento de la publicaçon, tenie sido promulgada la purmeira lei de liberdade de Amprensa an Pertual. Zde ande, bários jornales ténen surgido al longo de l anhos, sendo de çtacar ls jornales L Seclo, l Diário de Amboras' ' i l Jornal de Amboras.

An Pertual, eisisten bárias rebistas nas bancas subre ls más bariados temas, sendo las que tratan ls assuntos de la bida social que ten más leitores. Destas, la Nuoba Giente, la Caras, la Lux, la BIP i la Flash son las más bendidas.

Feriados

Ber artigo percipal: Feriados an Pertual

Data	Nome	Ouserbaçones
1 de Janeiro	Anho Nuobo	Passaige de anho, ampeço de l anho nuobo. Este feriado celebra la Solenidade de Santa Marie, mai de Jasus, sendo la purmeira grande fiesta de l crestianos.
Terça-feira, fiesta moble	Antruido	Feriado facultatibo, sendo rala la sue nun outelizaçon na prática. La data ten ourige na tradiçon de antes de se ampeçar la Quaresma, haber ua época de maior eisagero i menos temperança.
Sesta-feira, fiesta moble	Sesta-Feira Santa	Celebra la Peixon i Muorte de Jasus Cristo an Jarusalen.
Demingo, fiesta moble	Páscoa	Sendo celebrado a un Demingo, nun ye classeficado cumo feriado oufecial. Las tradiçones gastronómicas de la Páscoa barian mui antre las dibersas regiones de l paíç zde l pan-de-ló al folar. An alguas regiones, la traçon de l Cumpasso inda se mantén mesmo nas grandes cidades quando un pequeinho grupo besita cada casa cun un curcefício i adonde ye feita ua pequeinha cerimónia de bénçon de la casa. Tamien ye altura de la segunda besita tradicional de ls afilhados solteiros als respetibos padrinos para recebíren la prenda de Páscoa, tradicionalmente, l Folar.
25 de Abril	Die de la Libardade	Celebraçon de la Reboluçon de ls Crabos que marcou l fin de l regime ditatorial an 1974.
1 de Maio	Die de l Trabalhador	Este feriado celebra todos ls trabalhadores.
Quinta-feira, fiesta moble	Cuorpo de Dius	Segunda quinta-feira a seguir a la Fiesta de Pentecostes (Sprito Santo). Celebra l culto a la Eucaristia, i stá arraigado zde la Eidade Média.
10 de Júnio	Die de Pertual	Oufecialmente Die de Pertual, de Camões, i de las Quemunidades Pertuesas. La data de la muorte de Luís Vaz de Camões an 1580 ye outelizada para relembrar ls feitos passados i cundecorar heiróis.
15 de Agosto	Assunçon de Nuossa Senhora	Este feriado celebra la Assunçon de la Birge Marie al Cielo. Ye ua de las fiestas más antigas de la Cristandade, i na Península Eibérica era chamada la Senhora de Agosto.
5 de Outubre	Amplantaçon de la República	Este feriado celebra la Proclamaçon de la República Pertuesa
1 de Nobembre	Todos ls Santos	Tradecionalmente outelizado para recordar entes falecidos, celebra, inda assi, todos ls santos crestianos, yá que ls defuntos se celebran ne l die a seguir, 2 de Nobembre.
1 de Dezembre	Restouraçon de la Andependéncia	Celebra la restouraçon de la nacionalidade, an 1640.
8 de Dezembre	Eimaculada Cunceiçon	Padroeira de Pertual zde 1646. Ye ua de las maiores fiestas crestianas, i la fiesta más querida de l pertueses, yá que, até hai alguns anhos, era tamien l chamado Die de la Mai.
25 de Dezembre	Natal	Celebra l nacimiento de Jasus Cristo, an Belén. La nuite de 24 para 25, bulgarmente chamada de Cunsuada, ye marcada pula Missa de l Galho. Ye tamien marcada pula gastronomie típica desta época, puls jantares an família i pula troca de persentes, que puode efetuar-se lougo apuis de l jantar, apuis de la meia nuite ó na manhana de l die 25.

Refréncias

Notas i Refréncias

Ber tamien

• Admenistraçon pública an Pertual
• Lista de persidentes de Pertual
• Lista de purmeiros-menistros de Pertual
• Lista de regiones de turismo de Pertual

Lhigaçones sternas

• Portal de la República Pertuesa (an pertués)
• Eidiçon fac-similada de l Dicionário Stórico de Pertual (an pertués)
• Weather forecast (an pertués)
• Biblioteca Nacional Degital (an pertués)
• Pertual ne l Wikitrable