Sigla automobilistega internazzionala
|
Quest articol chì l'è scrivud in lombard, con la Noeuva Ortografia Lombarda |
La sigla automobilistega internazzionala la representa el Stat, o entità compagna, che l'ha dad foeura la targa de imatricolazzion de un veicol, e che la gh'ha de vesser mostrada quand che 'l circola foeura del so Paes. Un prim oblegh a l'è stad mtud in del 1909 de 'n tratad firmad de dodes stat europee, poeu i Nazzion Unide l'hann confermad con la Convenzion de Viena in sul trafegh stradal del 1968.
La manera pussee cognossuda per fàll a l'è cont un bollon oval che 'l gh'ha scrivud sora quella sigla lì, ma l'è spantegada anca l'integrazzion in sui targhe mideme, una roba che l'è assee spantegada in Europa: i targhe de imatricolazzion europee gh'hann, in la banda mancina, la sigla internazzionala, anca la pupart di targhe de l'ex URSS gh'hann el codes del Paes, Andorra, Liechtenstein, Monaco e 'l Vatican el meten dent, domà la Svizzera, el Regn Unid e 'l San Marin, in del continent, ghe l'hann no.
A bon cunt, minga tucc i Stat recognossen la possibilità de havégh el simbol in la targa, vist che in bas a la convenzion de Ginevra del 1949 el gh'ha de vesser partid de lee, e donca a gh'è de meter semper el bollon.
Riferiment
Alter proget
Wikimedia Commons el gh'ha dent imagin o alter archivi su Sigla automobilistega internazzionala
