FC Internazzional Milan
| ||||||||||||||||||||||||||||||||||||||||||||||||||||||||||
L'Internazional (o semplicement, Inter, scorciada) l'è ona squadra del ballon de Milan. L'è nassuda in del 1908, e la gh'ha la divisa nera e azzurra, e el sò simbol l'è el bisson. L'hann ciamada Ambrosiana in di temp del fascismo.
In del sò palmares g'ann 18 scudett, 3 Copp di Campion, 2 Copp Intercontinentaj, 1 Copa del Mond par Club, 7 Copp Italia, 5 Supercopp de Lega; l'Inter l'è l'unica formazion italiana che l'ha semper giugaa in serie A.
El sò stadi l'è 'l Meazza che gh'ha 82.995 pòst a sedè. El sò prim scudett l'ha vingiuu in del campionaa del 1909-1910 e l'ultim, che l'è 'l 18esim, in del 2010.
La triplèta del 2009 - 2010
Ol 2009 - 2010 l'è stai l'an di récord per L'Inter che l'è riàda a fà la triplèta, cioè èns ol Campiunàt, la Copa Italia e la Còpa di Campiù, töt in del istès an.
Còpa Itàlia 2009 - 2010
Ol 5 de Mas del 2010 - A Roma l'Inter là èns la finàl de la Còpa Itàlia cóntra la Roma per 1 a 0, gol in del prim tép del Diego Milito. La Roma la fenés i 10, dezà che 'l Francesco Totti l' ciàpa 'l cartelì rós per ìga dacc ü gran pesadù al Mario Balotèl.
Ol 16 de Mas l'Inter la èns l'öltima partìda del Campiunàt 2009 - 2010 a Siéna per ü a zéro cóntra 'l Siéna, gol del Diego Milito, e la èns ol campiunàt italià con 82 póncc, segónda la Roma con 80. L'è l' sò campiunàt nömer 18.
Còpa di Campiù 2009 - 2010
Ol 22 de Mas l'Inter la èns al Bernabeu de Madrid la Còpa di Campiù cóntra 'l Bayern Munchen, con dò gòal del Diego Milito. L'è la tèrsa Còpa di Campiù de la sò stòria.
2010 - 2011
Dòpo che 'l Josè Murinho l'è 'ndàcc al Real Madrid, l'Inter l'à ciamàt al sò pòst ol Rafa Benitez e 'n de l'éstàt l'à endìt ol Mario Balotelli al Manchester City.
Süper Còpa Italiana
Ol 21 de Aóst l'à enzìt, a San Siro, la Süper Còpa Italiana còntra la A.S. Roma per 3 a 1.
Süper Còpa Eüropéa
Ol 27 de Aóst l'à perdìt, cóntra l'Atletico Madrid, la Süper Còpa Eüropéa per 2 a 0.