ჯოდელ ფერლანდი

ჯოდელ ფერლანდი Jodelle Ferland
ფაილი:Jodelle.jpg
საქმიანობა	მსახიობი

ჯოდელ მიკა ფერლანდი (ინგ. Jodelle Micah Ferland; დ. 9 ოქტომბერი 1994) - კანადელი კინომსახიობი, რომელიც ამერიკასა (ჰოლივუდი) და კანადაში მოღვაწეობს.

ბიოგრაფია

ჯოდელ ფერლანდი დაიბადა ქალაქ ნანაიმოში (კანადა). მას 4 წლიდან უკვე იღებდნენ სარეკლამო კომპანიებში, სადაც დაახლოებით 20-მდე ფირმის რეკლამაში მიიღო მონაწილეობა. მათ შორის იყვნენ „Coca-Cola“, „Mattel“ და ასევე სატელევიზიო სერიალები (Smallville, Dark Angel და სხვ). ჯოდელ ფერლანდმა ახალგაზრდობაშივე გაითქვა სახელი და საკმაო პოპულარულობით სარგებლობდა. თავდაპირველად რამდენიმე წელი სერიალებში იღებდნენ, შემდეგ პირველად ითამაშა ფილმში „ქალთევზა“, სადაც განასახიერა Desi-ს სახე. ამ როლისთვის მას მიენიჭა ემის პრემია და ამით ამ ჯილდოს ყველაზე ახალგაზრდა ნომიმანტი გახდა. აღსანიშნავია ასევე მისი როლი ფილმში „მოქცევათა ქვეყანა“, სადაც მასთან ერთად ითამაშა ჯეფრი (ჯეფ) ბრიჯესმა. ფილმის დასრულების შემდეგ რეჟისორმა ტერი გილიამმა აღფრთოვანება ვერ დამალა ჯოდელ ფერლანდის ტალანტის მიმართ. ერთი წლის შემდეგ ითამაშა საშინელებათა ფილმში „საილენტ-ჰილი“. მისი ერთ-ერთი ბოლო ნამუშევარია ფილმი „საქმე N39“, სადაც მასთან ერთად რენე ზელვეგერმა ითამაშა. ჯოდელ ფერლანდი ფილმებში საკმაოდ დამაჯერებელია, შესანიშნავად უმკლავდება მძიმეხასიათის როლებს.

ამპლუა : დრამა, მელოდრამა, ფანტასტიკა, ტრილერი, ჰორორი.

ფილმოგრაფია

• 2000 — ქალთევზა (ინგ. - Mermaid)
• 2001 — მგლის ტბა (ინგ . - Wolf Lake)
• 2002 — ისინი (ინგ. - They)
• 2002 — კერი (ინგ. - Carrie)
• 2005 — მოქცევათა ქვეყანა (ინგ. - Tideland)
• 2006 — საილენტ ჰილი (ინგ. - Silent Hill)
• 2007 — წარმატებები, ჩაკ! (ინგ. - Good Luck Chuck!)
• 2007 — წარგზავნილები (ინგ. - The Messengers)
• 2008 — Celine (ინგ. - Celine)
• 2009 — საქმე N39 (ინგ. - Case 39)
• 2009 — საოცარი სამყარო (ინგ. - Wonderful World)
• 2010 — ბინდის საგა: დაბნელება (ინგ. - Twilight Saga: Eclipse)

ბმულები

• ჯოდელ ფერლანდი კინოფილმების ინტერნეტ-მონაცემთა ბაზაში