སྲི་བཟློག།
༄༅། །སྲི་བཟློག་བཞུགས་སོ།།
༈ བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ལ་ཕྱག་འཚལ་ལོ། །ཏདྱ་ཐཱ། ཨོཾ་མུ་ནི་མུ་ནི་མཧཱ་མུ་ནི་ཡེ་སྭཱཧཱ། བདག་འཁོར་དང་བཅས་པ་ལ་བསྲུང་བ་དང་། བསྐྱབ་པ་དང་། སྦ་བ་དང་། བྱིན་གྱིས་བརླབ་པ་དམ་པར་མཛད་དུ་གསོལ། སྲི་ངན་པ་ཐམས་ཅད་ལས་ཐར་བར་མཛད་དུ་གསོལ། དུ་རུ་དུ་རུ་ཙཀྲ། །བཛྲ་ཡ་བཛྲ་ཡ་ཙཀྲ། ཧ་ན་ཧ་ན་ཙཀྲ། མ་ར་ཡ་མ་ར་ཡ་ཙཀྲ། གྷིན་དུ་མ་ལེ་ཨེ་ནན་ཙཀྲ། ཛཱ་ལ་ཛཱ་ལ་ཙཀྲ། ཧཱུཾ་ཧཱུཾ་ཕཊ་ཕཊ་ཙཀྲ། སརྦ་ཤ་གི་ནི་ཨ་པ་ར་ཎ་ཙཀྲ། བྷ་ལ་ཡ་བྷ་ལ་ཡ་ཙཀྲ། ན་ག་ཤ་ཡ་ན་ག་ཤ་ཡ་ཙཀྲ། ཧཱུཾ་ཧཱུྃ་ཕཊ་ཕཊ་ཙཀྲ། བྷ་མ་བྷ་མ་ཙཀྲ། ས་མནྟ་ག་ར་ཙ་ཏྲི་ཏི་ག་ན་ཙཀྲ། བདག་འཁོར་དང་བཅས་པ་དང་། ཆོས་མཛད་པ་དང་། དཀར་པོའི་ཕྱོགས་མཐའ་ཡས་པ་ལ་གནོད་པའི་དགྲ་བགེགས་འབྱུང་པོ་མི་མ་ཡིན་པའི་ཕྱོགས་ཐམས་ཅད་ཟློག་ཅིག །ཐུལ་ཅིག །རྐྱེན་དང་བར་དུ་གཅོད་པ་ཐམས་ཅད་ཟློག་ཅིག། བྱེར་ཅིག །སྲུངས་ཤིག །ནད་སྲི་དང་། འཆི་སྲི་དང་། གོད་སྲི་དང་། རྟ་སྲི་དང་། ཡེར་པའི་སྲི་དང་། ལོའི་སྲི་དང་། ཟླ་བའི་སྲི་དང་། ཞག་དུས་ཀྱི་སྲི་དང་། ཁ་སྨྲས་ཀྱི་སྲི་དང་། སྲི་ངན་པ་ཐམས་ཅད་ཟློག་ཅིག། གཞན་ཡང་སྲི་ངན་པ་ཐམས་ཅད་ལས་རྣམ་པ་ཀུན་ཏུ་སྲུངས་ཤིག །ཟློག་ཅིག །ཞི་བ་གྱུར་ཅིག་བདག་ཅག་འཁོར་དང་བཅས་པ་ལ་ནད་རིམས་དང་། གདོན་དང་། སྔགས་ཟོར་དང་། རྦད་འདྲེ་དང་། གློ་བུར་གྱི་ནད་དང་། རྒྱལ་པོའི་ཆད་པ་དང་། ཕྱོགས་ངན་པ་དང་། གནོད་པ་དང་། ནད་སྲི་དང་། འཆི་སྲི་དང་། དུས་སྲི་དང་། རྒན་སྲི་དང་། གཞོན་སྲི་དང་། དར་མའི་དང་། ལོའི་སྲི་དང་། ཟླ་བའི་སྲི་དང་། ཞག་སྲི་དང་། ཟ་མའི་སྲི་དང་། སྐག་བདུན་ཟུར་དང་། ཕྱི་སྐྱེལ་དང་། གདོན་སུམ་བརྒྱ་དྲུག་ཅུ་དང་། རྐྱེན་ཉི་ཁྲི་ཆིག་སྟོང་དང་། ལྟས་ངན་མི་མཐུན་པ་བརྒྱད་ཅུ་རྩ་གཅིག་གི་གནོད་པ་ཐམས་ཅད་དང་། མ་རུངས་པ་དང་གདུག་པ་ཅན་ཐམས་ཅད་འཇོམས་པར་གྱུར་ཅིག །ཟློག་པར་གྱུར་ཅིག །སྒྱུར་བར་གྱུར་ཅིག །སྲུང་བར་གྱུར་ཅིག །ཐུབ་པར་གྱུར་ཅིག། དེ་ལྟར་བརྗོད་པའི་ཡོན་ཏན་བསམ་གྱིས་མི་ཁྱབ་ཅིང་། སྲིའི་གནོད་པ་ཐམས་ཅད་ལས་གྲོལ་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། ཚེ་དང་ལྡན་པ་ཀུན་དགའ་བོ་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ། །བགེགས་རིགས་སྟོང་ཕྲག་བརྒྱད་ཅུ་ཞི་བ་དང་། །མི་མཐུན་གནོད་པའི་རྐྱེན་དང་བྲལ་བ་དང་། །མཐུན་པ་བསྒྲུབ་ཅིང་ཕུན་སུམ་ཚོགས་གྱུར་ཏེ། །བཀྲ་ཤིས་དེས་ཀྱང་དེང་འདིར་བདེ་ལེགས་ཤོག །གཞན་ཡང་སྐྱེ་བ་འདི་ཉིད་ལ། །མི་མཐུན་ཚོགས་རྣམས་ཞི་བ་དང་། །ཚེ་རིང་ནད་མེད་ཕུན་སུམ་ཚོགས། །རྟག་ཏུ་བདེ་བ་ཐོབ་པར་ཤོག།