Эміль Шкода

Эміль Шкода
чэшск.: Emil Škoda
Эміль шкода
Род дзейнасці	інжынер і прадпрымальнік
Дата нараджэння	19 лістапада 1839(1839-11-19)
Месца нараджэння	Пльзень, Чэхія
Дата смерці	8 жніўня 1900(1900-08-08) (60 гадоў)
Месца смерці	Сяло Зелцтал, Штырыя, Аўстрыя
Месца пахавання	Мікулашскія могілкі[d]
Грамадзянства	Цыслейтанія
Бацька	František Škoda[d]
Жонка	Hermína Škodová[d]
Дзеці	Karl Škoda[d] і Hermine Juliana von Skoda[d]
Альма-матар	Чэшскі тэхнічны ўніверсітэт Тэхналагічны інстытут Карлсруэ
Медыяфайлы на Вікісховішчы

Эміль Шко́да (чэшск.: Emil Škoda, 19 лістапада 1839, Пльзень — 8 жніўня 1900, Аўстрыя) — чэшскі інжынер і прадпрымальнік. Заснавальнік найбуйнейшага машынабудаўнічага завода Skoda (сёння Škoda Holding As).

Біяграфія і прафесійная дзейнасць

Нарадзіўся Эміль Шкода 19 лістапада 1839 года у Пльзені ў сям'і лекара Францішака Шкоды. Бацька Эміля быў ​​саветнік па пытаннях аховы здароўя, меў дваранскі тытул, які яму надаў імператар Франц-Іосіф I. Лекарам быў і дзядзька Эміля - Ёзэф Шкода, які жыў ў Вене.

Пасля заканчэння сярэдняй школы ў горадзе Хеб Эміль працягнуў навучанне спачатку ў Чэшскім Тэхнічным Універсітэце ў Празе, затым і ў Тэхнічным універсітэце Карлсруэ, Германія. Пасля завяршэння вучобы, ужо інжынер Эміль Шкода накіраваўся праходзіць практыку ў такія краіны, як Францыя, Англія і Злучаныя Штаты Амерыкі. Доўгі час правёў у Прусіі - адной з самых тэхнічна развітых краінах таго часу. Але з пачаткам аўстра-прускай вайны ў 1866 годзе Эміль вярнуўся ў свой ​​родны горад Пльзень, дзе стаў галоўным інжынерам фабрыкі тэхнікі Валенштайна-Вартэнберга. Праз тры гады, ў 1869 годзе, ён купіў фабрыку, перанёс яе з цэнтра горада на ўскраіну і пачаў пашырацца.

Магіла Эміля Шкоды на могілках Святога Мікалая ў горадзе Пльзень

У 1876 годзе адкрылася першае замежнае прадстаўніцтва ў Кіеве, пазней былі створаны прадстаўніцтвы і ў іншых краінах. У 1880-х гадах фабрыка ўяўляла сабою сучаснае ліцейнае і металаапрацоўчае прадпрыемства, здольнае вырабляць ліццё вагою ў дзясяткі тон. Пад кіраўніцтвам Эміля Шкоды кампанія пачала вытворчасць абсталявання для цукровых і піваварных заводаў, руднікоў. У 1886 годзе кампаніяй Skoda была пабудавана чыгунка, а ў 1890 годзе пабудаваны новы завод па вытворчасці зброі для аўстра-венгерскай арміі. У 1896 годзе была пабудаваная новая зала зброевага завода, што дазволіла кампаніі стаць адным з найбуйнейшых еўрапейскіх вытворцаў зброі.

Эміль Шкода таксама прымаў удзел у стварэнні бровара Gambrinus.

12 снежня 1899 года завод Skoda быў ператвораны ў акцыянернае таварыства, у якім Эміль Шкода стаў генеральным дырэктарам. За развіццё машынабудавання ў Чэхіі Эміль Шкода атрымаў шматлікія ўзнагароды. Сярод іншага, ён быў членам парламента дзяржавы і шэрагу прамысловых прадпрыемстваў і ўстаноў.

Эміль Шкода памёр 8 жніўня 1900 года ў цягніку на шляху з Аўстрыі, дзе ён знаходзіўся на курорце, у сяле Зелцтал Штырыя. Пахаваны на Свята-Мікалаеўскіх могілках ў Пльзене. Яго пахаванне было велізарнай падзеяй для горада і ваколіц. Надмагільная пліта з бронзавым надпісам "Эміль Рытэр фон Шкода", працы італьянскага скульптара Рафаэла Раманэлі, была ўстаноўлена ў 1903 годзе.

Спасылкі

• Osobnosti.unas Emil Škoda (чэшск.) (англ.)
• Афіцыйны сайт ŠKODA HOLDING a.s. (чэшск.) (англ.)
• Osobnosti — Emil Škoda (чэшск.) (англ.)