Вікіпэдыя:Палітыка прыватнасьці
| Скарачэньне: ВП:ПАП |
|---|
|
|
Гэта старонка зьяўляецца часткай правілаў Вікіпэдыі. |
|---|
Гэта беларускі пераклад падсумоўваньня Палітыкі прыватнасьці. Ангельскамоўны арыгінал мае перавагу ў выпадку адрозьненьня ад перакладу ў значэньні і тлумачэньні. Гэтая Палітыка зацьверджаная Радай павераных Фундацыі Вікімэдыя ў чэрвені 2006 году і афіцыйна ўступіла ў сілу з 1 ліпеня. Абмеркаваньне і прапановы вітаюцца на адпаведнай старонцы. Спасылка на гэты тэкст павінна быць унізе (MediaWiki:Copyright) кожнай старонкі.
Сьцісла
Калі вы проста праглядаеце сайты праэктаў Вікімэдыя, пра вас зьбіраецца ня больш інфармацыі, чым зьбіраецца ў пратаколах працы сярэднестатыстычнага сэрвэра ў інтэрнэце. Калі вы пішаце або рэдагуеце матэрыялы ў праэктах Вікімэдыя, вы публікуеце кожнае слова з таго, што напісалі, і гэтая інфармацыя будзе захоўвацца неабмежаваны час. Гэта тычыцца артыкулаў, асабістых старонак карыстальнікаў і старонак абмеркаваньняў.
Публікацыя і агульнадаступная інфармацыя
Простае наведваньне вэб-сайта не прыводзіць да публічнага раскрыцьця вашай асабістай інфармацыі. Пры рэдагаваньні ўсякай старонкі гэтага вікі-праекту вы публікуеце дакумэнт. Гэта — публічнае дзеяньне, і вы будзеце публічна прызнаныя аўтарам гэтай праўкі.