Militär-Max-Joseph-Ordn
Der Artikl do is auf da Qualitätssicherung eidrong worn. Huif mit, in Artikl zum vabessan, und red etz do mid! Wos no bessa gmacht gheart: zvui Deitsch -- Rotzbua 07:24, 19. Nov. 2013 (CET)
|
Da Militär-Max-Joseph-Ordn is mit an Armeebefehl vom 1. März 1806 rickwirkend zum 1. Jenna 1806 vom boarischen Kini Maximilian I. Joseph gstift' worn und is da höchste militärische Verdienstordn vom Königreich Bayern g'wen. Sei Devise hod VIRTUTI PRO PATRIA (Tapferkeit fias Vaterland) g'hoaßn. Da Voagänga-Ordn is des kurpfoiz-boarische Militär-Ehrenzeichen g'wen.
Ordnsklassn
Da dreiklassige Ordn (Großkreiz, Kommandeur, Ritta) is fia boarische Biaga ohne Adel mit dem ned erblichn Adelstand der Ritterklasse vabundn. De Ordnsträger habm zu eanan Familiennamen den Zusatz „Ritter von“ kriagt. Außerdem habn sechse vo de Großkreiz Ansprich auf a jarigs Einkomma vo 1.500 fl (Gulden), achte vo de Kommandeurs vo 500 fl und fuchzge vo de Ritter vo 300 fl g'habt.
In da Anlag 1 zu dem Befehl sand in 30 Artikeln alle Kriterien fia de Aufnahm in den Ordn und sunstige Vorgabn b'schriebn, in da Anlag 2 die ersten 6 Großkreiz, 8 Commandeurs und 49 Ritter namentlich aufglist, die Ansprich auf de entsprechendn Pensionen g'habt habm (Oberlieutenant Franz von Fortis is da 50. Berechtigte g'wen, is aba bei da Aufstellung vo dem Verzeichnis ibasegn worn).
Statutn und Erfordanisse
- Des fria valiehne Militär-Ehrenzeichen werd durch an Militär-Verdienst-Ordn, speziell vom militärischn Max-Joseph-Ordn, ersetzt und mit am guad oglegtn Fond ausg'statt.
- Da Kini und Stifter is da Großmoasta vom Ordn.
- Den Ordn kennan nur Offizier valiehn kriagn, ohne dass aufm Dienstgrad, de Truppengattung, aufn Glam, auf d'Herkunft, auf'n Rang und andere Umständ' g'acht werd. alloa Generale kennan des Großkreiz kriagn.
- Fia a endliche Zoi von Groß- und Kommandeurskreizer und Ritter is a Pension eig'richt.
- Fia de Aufnahm in den Ordn sand „hierzu tapfere Thaten gefordert, und zwar solche, die ein Offizier entweder ohne Verantwortung hätte unterlassen können, und zum Nutzen der Armee gereichen, oder welche mit außerordentlicher Klugheit, oder Muth und Entschlossenheit zur besonderen Ehre und Vortheil der Armee oder der Truppe ausgeführt worden sind.“[1].
- De b'sunders brave Tat is mit Beweis und Zeignnennung dem Kommandierenden General vorz'legn; dann wead ibapriaft, ob fia de Tat ned de Mannschaftn vahoazt worn san;
- Zamkunft vom Kapitel, Diskurs iba de Tat und Vorlag zua Entscheidung beim Großmoasta;
- Zuastimmung vom Großmoasta, feierliche Aushändigung vom Ordnszoacha;
- De Pensionsansprüch geltn ab den Tog vo da tapfern Tat;
- Nåch'm Obleben von an Ordensträgers muaß da Ordn an'n Großmoasta zruckg'schickt wern.
- Ordensträger, de an Dienst quittiern, valiern de Ordnspension.
- Nåch Ostelln von aner militärischen oder zivilen Straftat muaß da Ordn auf da Stell an'n Großmoasta zruckgebn wern.
- Fia de Vawoitung vo de Aktn wead a Ordnsarchivar, -kanzelist und oa Ordnsdiena jeweils mit am g'scheitn G'hoit og'stellt.
Insignien
Die Kreiz vo da jeweiligen Stufn unterscheidn si alloa in da Größ. Des Ordnszoacha is a goldbordierts weiß' Malteserkreiz mit goldne Kuglspitzn und goldne Stroihn zwischen de Kreizarm. Letztere hod nua s'Großkreiz. Des blau emaillierte Medaillon zoagt de goidarn g'schriebne Ordnsdevise. Ibar'n Kreiz is a goidene Krone obrocht. Da achtstrahlige Bruststern zum Großkreiz ist suibern und auf eam is des Ordnskreiz drom.
Großmoasta vom Militär-Max-Joseph-Ordn
Da Großmoasta vom Ordn is oiwai da Kini g'wen, außer unter da Regentschaft vom Otto I., dea vo 13. Juni 1886 bis 12. Dezember 1912 vom Prinzregenten Luitpold, und vo 12. Dezember 1912 bis 5. November 1914 Prinz Ludwig vo Bayern (Ludwig III.) vatretn worn is. Da Kini Ludwig III. hod im Aprui 1919 bestimmt, dass da Felix Graf von Bothmer de Recht' und Befugniss' vom (stellvertretndn) Großmoasta ibatrogn kriagt. Des Amt hod a bis zum 10. Dezember 1932 g'habt. Da Kronprinz Rupprecht vo Bayern is sei Nachfoiga von 10. März 1933 bis 2. August 1955 g'wen. Danoch is des Amt auf den Chef vom Haus Wittelbach ibaganga. Da Herzog Albrecht vo Bayern is seinerzeit vo seim Onkl Prinz Franz vo Bayern vom 13. Oktober 1955 - bis 25. Jenna 1957 vatretn worn.
Großkanzler vom Militär-Max-Joseph-Ordn
Durch Armeebefehl vom 22. März 1806 hod da Kini an Generallieutenant Johann Nepomuk von Triva zum Großkanzler vom Ordn b'stimmt. Sei Nachfolger is da Feldmarschall Fürst von Wrede worn. Nåch seim Oblebn habm de Aufgabn vom Großkanzler de amtierenden Kriegsminister oder a vo eam Beauftragta ibanomma. Am 22. August 1878 is da General der Infanterie Ludwig Freiherr von und zu der Tann-Rathsamhausen zum Großkanzler ernannt worn. Nach seim Oblebn am 26. April 1881 san wieda de jeweilign Kriegsminister eing'setzt worn.
Nåch'm Ersten Weltkriag hod da Karl Ritter von Fasbender ois Großkanzler ab 1. Aprui 1919 wieda g'macht, vo Juli 1919 bis Feba 1921 hod da Konrad Krafft von Dellmensingen ibanomma, danach is da Karl Ritter von Fasbender Großkanzler bis Oktober 1932 g'wen. Seine Nåchfoiga san da Oskar Ritter von Xylander vo Mai 1933 bis Mai 1940 und da Albert Ritter von Schoch vo Juli 1940 bis März 1943 g'wen. Vo 1944 bis 1. August 1951 hod da Ordnsarchivar Daniel Ritter von Pitrof die Amtsg'schäft vom Großkanzler g'macht, weil de Stell damois vakant g'wen is. Vo 27. Juni 1951 bis 15. November 1954 hod a Vawoitungskommission des Amt vom Großkanzler ersetzt. Da Großmoasta Rupprecht vo Bayern hod an Wilhelm Ritter von Leeb zum Großkanzler ernannt, dea des Amt bis 29. Aprui 1956 ausg'ibt hod. Ab 10. März 1955 is eam da Rudolf von Kramer z'erst ois Stellvatreta, noch seim Tod ois hauptamtlicha Großkanzler nåchg'foigt.
Träger vom Militär-Max-Joseph-Ordn
Mit'm Militär-Max-Joseph-Ordn sand a Offizier und Generale vo andere Nationen auszeichnet worn, im foigendn sand aba nua de boarischen Ordnsträga aufg'fiat.
Großkreiz
- Generalleutnant Johann Nepomuk Graf von Triva, (aufgnomma am 1. März 1806, damois Chef vom Generalstab und vom geheima Kriags-Bureau)
- Generalleutnant Georg August Graf Ysenburg (aufgnomma am 1. März 1806, damois Kommandierender in Franken)
- Generalleutnant Karl Baron Wrede (aufgnomma am 1. März 1806, damois Kommandierender in Schwaben)
- Generalleutnant Christian Freiherr von Zweybrücken (aufgnomma am 1. März 1806)
- Generalleutnant Erasmus von Deroy (aufgnomma am 1. März 1806, damois Kommandierender in Bayern)
- Generalmajor K. H. Kronprinz Ludwig (aufgnomma am 1. Juni 1807, damois Kommandeur vo da Division "Wrede")
- General der Infanterie Jakob Ritter von Hartmann (aufgnomma am 19. September 1870, damois kommandierender General vom II. Armee-Korps)
- General der Infanterie Ludwig Freiherr von und zu der Tann-Rathsamhausen (aufgnomma am 11. Oktober 1870, damois kommandierender General vom I. Armee-Korps)
- Generaloberst der Infanterie Kronprinz Rupprecht vo Bayern (aufgnomma am 23. August 1914, damois Oberbefehlshaber vo da 6. Armee)
- Generalfeldmarschall Prinz Leopold von Bayern (aufgnomma am 5. August 1915, damois Oberbefehlshaber der 9. Armee)
- General der Infanterie Felix Graf von Bothmer (aufgnomma am 4. Juni 1916, damois Oberbefehlshaber vo da Kaiserlich Deitschn Südarmee)
- General der Infanterie Karl Ritter von Fasbender (aufgnomma am 23. Aprui 1917, damois Kommandierender General vom I. boarischn Reserve-Korps)
- Generalleutnant Konrad Krafft von Dellmensingen (aufgnomma am 24. Oktober 1917, damois Chef vom Generalstab vo da 14. Armee)
Kommandeurkreiz
- Generalmajor Heinrich LII. Graf Reuß (aufgnomma am 1. März 1806, damois Generaladjutant vo da Infanterie)
- Generalmajor Justus Heinrich Siebein (aufgnomma am 1. März 1806, damois Brigadier)
- Generalmajor Franz Graf Minucci (aufgnomma am 1. März 1806, damois Brigadier)
- Oberst Anton Baron Vieregg (aufgnomma am 1. März 1806, damois im 1. Dragoner-Regiment "Minucci")
- Oberst Karl von Vincenti (aufgnomma am 1. März 1806, damois im 9. Linien-Infanterie-Regiment "Ysenburg")
- Oberstleutnant Maximilian Graf von Spreti (aufgnomma am 1. März 1806, damois im 6. Linien-Infanterie-Regiment "Herzog Wilhelm")
- Major Franz Elbracht (aufgnomma am 1. März 1806, damois im 3. Cheveaulegers-Regiment "Leiningen")
- Major Kaspar Hepp (aufgnomma am 1. März 1806, damois im 8. Linien-Infanterie-Regiment "Herzog Pius")
- Oberst Franz Xaver Freiherr von Dallwigk (aufgnomma am 15. Mai 1809, damois Kommandeur vom 13. Linien-Infanterie-Regiment)
- Generalmajor Peter von Delamotte (aufgnomma am 29. Oktober 1813, damois Brigadier)
- Generalleutnant Karl Graf von Beckers (aufgnomma am 30. Oktober 1813, damois Kommandeur vo da 2. Division)
- Generalmajor Karl von Dietz (aufgnomma am 1. Feba 1814, damois Kommandeur vo ana Kavallierie-Brigade)
- Generalmajor Georg von Habermann (aufgnomma am 17. Feba 1814, damois Brigadier)
- General der Infanterie Jakob Ritter von Hartmann (aufgnomma am 6. August 1870, damois Kommandierender General vom II. Armee-Korps)
- General der Infanterie Ludwig Freiherr von und zu der Tann-Rathsamhausen (aufgnomma am 1. September 1870, damois Kommandierender General des I. Armee-Korps)
- General der Infanterie Felix Graf von Bothmer (aufgnomma am 31. Mai 1915, damois Fiara vom Korps „Bothmer“)
- Generalleutnant Paul Ritter von Kneußl (aufgnomma am 8. Oktober 1915, damois Kommandeur vo da 11. Infanterie-Division)
- Oberstleutnant Hans Ritter von Hemmer (aufgnomma am 4. Juni 1916, damois Chef vom Generalstab vo da Kaiserlich Deitschn Südarmee)
- Generalleutnant Philipp von Hellingrath (aufgnomma am 18. August 1916, damois Kommandeur vo da boarischn Kavallerie-Division)
- General der Infanterie Karl Ritter von Fasbender (aufgnomma am 3. September 1916, damois Kommandierender General vom I. boarischn Reserve-Korps]])
- Generalleutnant Konrad Krafft von Dellmensingen (aufgnomma am 26. September 1916, damois Fiara vom Alpenkorps)
- General der Kavallerie Ludwig Frhr. von Gebsattel (aufgnomma am 7. Jenna 1917, damois Kommandierender General III. Armee-Korps)
- Oberst Friedrich Frhr. Kreß von Kressenstein (aufgnomma am 19. Aprui 1917, damois Befehlshaber vo da 8. Türkischen Armee)
- Generalleutnant Hermann Frhr. von Stein (aufgnomma am 22. August 1917, damois Kommandierender General vom III. Armee-Korps)
- Generalmajor Ludwig Ritter von Tutschek (aufgnomma am 24. Oktober 1917, damois Fiara vom Alpenkorps)
- Leutnant der Reserve Josef Ritter von Steiner (aufgnomma am 15. Aprui 1918, damois Kompaniefiara im 3. Infanterie-Regiment)
- Generalmajor Prinz Franz vo Bayern (aufgnomma am 26. Aprui 1918, damois Kommandeur vo da 4. Infanterie-Division)
- General der Kavallerie Otto von Stetten (aufgnomma am 12. Mai 1918, damois Kommandierender General vom II. Armee-Korps)
- Generalleutnant Nikolaus Ritter von Endres (aufgnomma am 11. August 1918, damois Fiara vom I. Armee-Korps)
Ritterkreiz (Auswahl)
- Maximilian Ritter von Kirschbaum, Generalmajor, Kommandeur vo da 6. Infanterie-Division
- Ernst Ritter von Brunner, Oberst vom Reserve-Infanterie-Regiment 10
- Julius Ritter von Braun, Generalmajor a.D. (Schwoga vom Hans Ritter v. Seißer)
- Karl Ritter von Düwell, Oberst
- Franz Ritter von Epp, General und Reichsstatthalter unta da Nazi-Zeit in Bayern
- Robert Ritter von Greim, Generalfeldmarschall
- Karl Ritter von Halt, Sportla, Vorstand vo da Deitschen Bank und NOK-Präsident
- Bruno Ritter von Hauenschild, z'letzt Generalleutnant und Kommandeur vo da Schuin von da Panzertruppn
- Hubert Ritter von Heigl, Generalmajor und General vo de Pioniere beim Oberkommando Nordwest
- Georg Ritter von Hengl, SS-Obersturmbannführer, General der Gebirgstruppen und Kommandierender General vom XIX. Gebirgskorps (Wehrmacht)
- Christian Ritter von Langheinrich, Major der Reserve, Justizrat
- Wilhelm Ritter von Leeb, Ordnskanzler, Generalfeldmarschall
- Hans Ritter von Lex, deitscha Politika und vo 1961 bis 1967 Präsident vom Deitschn Rotn Kreiz
- Joseph Maximilian Ritter von Maillinger, boarischa General und Kriagsminister
- Hans Ritter von Mieg, General a. D. (verheirat mit'm Cousine vom Hans Ritter v. Seißer)
- Ludwig Ritter von Mussinan, boarischa Generalleutnant
- Maximilian Ritter von Pohl, General der Flieger und Kommandierender General vo da Luftwaffn in Mittelitalien
- Christian Ritter von Popp, Leutnant der Reserve, Architekt
- Friedrich („Fritz“) Ritter von Röth, Oberleutnant der Reserve, Jagdfliaga und Träga vom preißischn Ordn Pour le Mérite
- Eduard Ritter von Schleich, z'letzt Generalleutnant.
- Hans Ritter von Schmidt, Major der Reserve und Kommandeur vom Infanterieregiment 546
- Eugen Ritter von Schobert, Generaloberst und Oberbefehlshaber vo da Kaiserlich Deitschn 11. Armee
- Hans Ritter von Seißer, Oberstleutnant der Boarischn Armee und spada Oberst vo da bayerischen Landespolizei (Schwoga vom Generalmajor Julius Ritter von Braun).
- Ernst Ritter von Steindorff, Landwehr-Leutnant und Kompaniefiara im 11. Infanterie-Regiment
- Wilhelm Ritter von Thoma, Generalmajor und Kommandeur vo da 17. Panzerdivision
- Maximilian Ritter von Zottmann, Generalmajor
Zitiert
- ↑ Schrettinger (Archivar des Ordens): Der königlich Bayerische Militär-Max-Joseph-Orden und seine Mitglieder. Minga 1882, S. 38ff
Vorlågn
- Schrettinger (Archivar des Ordens): Der königlich Bayerische Militär-Max-Joseph-Orden und seine Mitglieder. Minga 1882
- Rudolf v. Kramer, Otto Freiherr von Waldenfels: Der königlich bayerische Militär-Max-Joseph-Orden. Selbstverlag des k. b. Militär-Max-Joseph-Ordens, Minga 1966