حقیقی عیسی کیلسه‌سی
حقيقی عيسی كيلسه‌سی 1917-نجی ايلده چينين پكن شهرينده مستقل كيلسه اوْلاراق قۇرولموشدور. بو گۆن دۆنيادا قیرخ بئش (45) اؤلكه‌ده بيرميليون ياريم (1500000) عضو اوْلدوغو تخمين ائديلير. كيلسه ايگيرمی‌يۆز ايلين (ايگيرمينجی عصرين) اولينده كريستيانليقين (مسيحييتين) پروتستان قوْلوندان (شعبه‌سيندن) آيريلاراق اوْرتايا چيخميشدير. كيلسه نوئل و يا (يوخسه) باشقا بايراملارينی قيد ائله‌مير. كيلسه‌نين آشاغيدا ليسته‌لنميش اوْن ساده تعلیمی واردير:
مقدس رۇح
«دیلین دانیشماسی ایله مقدس رۇحا ياخینلاشماق، جنّت کراللیغیعنین میراثینی ضمانت ائدر.»
خاچ سۇيو
«بۇ غسل-ی تعمید گۆناهلارین باغیشلانماسی و يئنیلنمه عینیدیر. غسل-ی تعمید طبیعتده‌کی سۇيون ایچینده يئرینه گتیریلیر. مثال اۆجون چاي، دنیز يا دا بۇلاغ اوْلا بیلر. داها اؤنجه‌دن غسل-ی تعمید اوْلموش تعمید وئرن، بۇ ایشینی عیسی آدینا انجام وئریر. غسل-ی تعمید ائدیلن شخص باشینی اگیر، اۆزو آشاغیيا باخار حالدا بۆتون وجودو سۇيا گیرر.»
آياق يۇما
«آياق يۇما همین شخصین عیسی ایله بیر اوْلماسینی ساغلار. بۇ زاماندا شخصین آلچاق گؤنوللولويو، مقدسلیگی، سئوگیسی، باغیشلاماسی و خیدمت ائتمه‌سی خاطیرلاماسی ساغلانیر. بۇ تعمید آلمیش هر شخصین آياقلارینی دا عیسی آدینا يۇماسی واجیبدیر. قارشیلیقلی اوْلاراق آياق يۇما اۇيغون اوْلان زامانلاردا ائدیله بیلر.»
مقدس ایشتیراک
«مقدس ایشتیراک - عیسی مسیحین اؤلومونو آنماق اۆچون يئرینه يئتیریلن دینی آيیندیر. پئیغمبریمیزین اتینی و قانینی بؤلوشمه‌يیمیزی سیمووْلیزه ائدیر و قیيامت گۆنو سوْنسوز حیات الده ائتمک و دیریلدیلمک اۆچون اوْنونلا اوْلان اینام بیرلیگیمیزی گۆجلندیریر. بۇ مقدس آيین مۆمکون اوْلدوقجا تئز-تئز يئرینه يئتیریلمه‌لیدیر. يالنیز ماياسیز چؤرک و اۆزوم شیره‌سی (سۇيو) ایستیفاده ائدیلمه‌لیدیر.»
شنبه گۆنو
«شنبه گۆنو، هفته‌نین يئددینجی گۆنو قبول ائدیلن شنبه گۆنو، مقدس گۆندور و تانری طرفیندن مقدس آدلاندیریلیب. بۇ گۆن تانری‌نین خلق ائتمه‌سی‌نین خاطیره‌سینه و ابدی دینجه‌له‌نین اۆمیدی ایچریسینده کئچیریلمه‌لیدیر. »
عيسی مسيح
«عیسی مسیح تانری کلامینی اینسانلارا چاتدیران تانری اؤولادی اوْلدو، گۆناهکارلاری خلاص ائتمکدن اؤترو چارمیخا چکیلدی، اۆچونجو گۆن يئنیدن دیریلیدیلدی و جنّته يۆکسلدی. اوْ، بشریتین تک خلاصکاری، جنّتین و دۆنيانین يارادیجیسی و تک گئرچک اوْلان تانریدیر.»
انجيل
«کؤهنه و يئنی بؤلوملریيله اینجیل تانری طرفیندن يارادیلان يئگانه حقیقی گئرچک و خاچپرست حیات طرزی اۆچون استاندارتدیر.»
قۇرتولوش
«قۇرتولوش، تانری‌نین ایمان وئردیگی بیر لۆطفدیر. ایمانلار، مقدسلیغین سۆرمه‌سی، تانرینی شرفلندیرمک و اینسانلاری سئومک اۆچون، رۇح‌القدس‌ا اعتیماد ائتمه‌لیدیر.»
كيلسه
«حقیقی عیسی کیلسه‌سی مقدس رۇح ایکن مسیحیمیز عیسی طرفیندن ایکینجی ياغیشلار زامانی اینشا ائدیلمیشدیر. حقیقی عیسی کیلسه‌سی پاپا زامانی‌نین حقیقی کیلسه‌سیندن برپا ائدیلمیشدیر.»
مسيحين ايكينجی گليشی (رجعت)
«مسیحین ایکینجی گلیشی "سوْن گۆن" اوْلاجاق، اوْ دۆنيانی مۆحاکیمه ائتمک اۆچون گؤيلردن يئر اۆزونه ائنه‌جک: ثاواب عمل صاحبلری ابدی حیاتلا مۆکافاتلاندیریلاجاقلاری زامان رۇحوندا خبیثلیک اوْلانلار ابدیته قدر لعنتلنه‌جکلر».