Tercer Internacional

la Tercera Internacional o Comintern ye una escisión de la Segunda Internacional, creada en Moscú el 2 de marzu de 1919 por Lenin col envís d'axuntar tolos partíos comunistes que rompieren colos partíos socialistes de la Segunda Internacional. El términu vien del inglés Communist International .

La Tercera Internacional, axuntaba a tolos partíos comunistes que rompieron colos partíos socialistes de la Segunda Internacional y taba dirixida pol Partíu Comunista de la Unión Soviética (PCUS) .

Antecedentes históricos

Como ya recordaba'l entamu de los primeros Estatutos de la Internacional Comunista, los antecedentes d'esta remóntense a l'Asociación Internacional de los Trabajadores fundada por Karl Marx y Friedrich Engels, en Londres, en 1864 y que por primera vez na historia amestaba a los trabayadores d'estremaos países.

Depués de la desaparición d'esta Primera Internacional en 1876, Friedrich Engels afaló la creación d'una Segunda Internacional, creada en París, en 1889, qu'amestó a los partíos socialistes, socialdemócrates y llaboristes. Col entamu de la Primera Guerra Mundial fráncese la Segunda Internacional ente los socialistes reformistes y los revolucionarios, al sofitar los primeros a los sos respectivos gobiernos nacionales al declarar la guerra, y la total oposición de los segundos a la mesma.

Los grupos socialistes revolucionarios celebraron la Conferencia de Zimmerwald en setiembre de 1915 y la Conferencia de Kienthal n'abril de 1916, convirtiéndose estes organizaciones na base de la Tercera Internacional creada en marzo de 1919, en Petrográu, para romper definitivamente colos elementos reformistes, qu'a xuiciu de los socialistes revolucionarios, traicionare a la clase trabayadora y provocado la "bancarrota" de la Segunda Internacional.

A partir de 1926 la Tercera Internacional tuvo dirixida por Stalin, que sentó les bases d'una nueva ideoloxía, conocida como marxismu-leninismu y basada na teoría del socialismu namás que nun país.

Tres de la so esclusión del Partíu Comunista de la Unión Soviética, Leon Trotsky fundó en 1938 la Cuarta Internacional.

El Comintern disolvióse durante la Segunda Guerra Mundial, y volvió a reconstituíse en 1947 cola creación del Cominform.

Tres la muerte d'Stalin, que tuvo llugar en 1953, la URSS rompió oficialmente col marxismu-leninismu en 1956.

Nos años sesenta la República Popular China de Mao Zedong tomó'l relevu del marxismu-leninismu, y la historia d'esta ideoloxía confúndese cola del maoismu.