Wikipedia:介紹

您好呀！歡迎嚟到維基百科，一本內容開放嘅百科全書。

維基百科全書係一本內容開放嘅百科全書，佢嘅目標係包含人類所有領域嘅知識。粵語維基百科嘅運作響2006年3月25日開始，而家已經有141,837個條目，而且仲響度不停咁增加。維基百科嘅內容可以被複製，修改同埋再發佈，只要新嘅版本都同樣跟住我地嘅許可，並且寫明係嚟自維基百科就得喇。維基百科上嘅文章由始至終都係保持自由。希望維基百科能夠畀到您有用嘅幫助，並歡迎您將維基百科全書介紹畀您啲朋友仔。

仲有，維基百科全書亦係一本用唔同語言去寫嘅百科全書。英文維基百科響2001年1月開始，而家就已經有超過1,000,000條條目。維基百科全書仲有其他唔同國家嘅語言版本，若果您需要用外文做野，請到首頁下面去搵您想要嘅語種。

維基百科用咗WikiWiki技術，任何人都可以對條目進行編輯，而且呢啲修改都會得到完整嘅記錄。粵語維基百科嘅內容係由呢個網站嘅所有訪客一齊寫嘅，我哋相信佢將會響大家嘅無私奉獻下得到不斷嘅完善。歡迎您一齊參與撰寫維基百科全書嘅工作，自由咁體會寫野嘅樂趣，同大家分享您獨到嘅知識同埋經驗。

呢篇文提供使用同埋編寫粵語維基百科嘅快速指導，請去揀下撳下其中嘅藍字嚟睇相關嘅內容。更詳細嘅內容就請去Help和社區大堂。若果有問題就請去Village Pump搵人幫手。