交通工具

交通工具

交通工具係一樣用嚟搭去唔到嘅地方嘅嘢，通常都係機械。例如火車、汽車、人力車同埋畜力車。

歷史

無動力

早期嘅車、船等交通工具自身本唔具備任何驅動力，而需靠外掛人力或獸力先可以行（牛、馬、狗等動物同人屬於運輸嘅動力來源，並唔係車自身嘅範疇內）。 獨木舟同筏係最為古老嘅水路交通工具。陸路交通工具方面就係車，而組成車最重要部分嘅車輪最早出現喺六千年前嘅美索不達米亞、高加索同中歐等地。「車」嘅最早文史記錄出自於五千年前嘅中國，係中國歷史上傳說黃帝時期。黃帝係「軒轅」嘅發明者，所以黃帝又被稱為「軒轅氏」（軒轅喺中文裏嘅意思就係「車」）。易有「奚仲造車」之說。秦漢以後，車同服、印、綬取代鼎彝成為個人身份嘅象徵，並遵循等級分明嘅車駕制度。

而家嘅無動力車多數用於休閒活動使用（如牛車、馬車），但單車呢類嘅人力無動力車，都有唔少人當作主要嘅載運工具（好似近年來，因為臺灣環保意識抬頭，都愈來愈多人曳單車，而部分西歐國家都致力推行單車嘅好處）。

轉捩點

幾千年以來，人類都使用無動力嘅車船等，但啲人不斷提出新嘅想法、做咗好多實驗，畀科技一步一步嘅改革，並持續嘅發展。西元1698-1769年出現咗初代嘅蒸汽機，西元1800年初開始使用，如果將蒸汽機用於汽車上只能跑幾十公里。蒸汽機使用咗八十多年之後，世界上第一輛真正嘅汽車出現咗。而西元1794-1867年嘅呢幾年嘅發明，都為汽車鋪咗長遠嘅後路。

機動

之後，交通工具有咗機械動力引擎（內燃機、電動機）嘅驅動，只需要人類嘅控制就行得。或者寫啲程式，畀架車自己行，呢個就係自動駕駛汽車。汽車引擎嘅動力可以取代以前無動力車嘅人力同獸力，引擎動力比人力同獸力更有效率。速度加快，運輸嘅時間都跟住減少，而家成為咗人嘅主要交通工具。1885年，真正嘅現代汽車誕生嘅時刻，德國工程師卡爾·平治喺曼海姆製造成一輛裝有0.85馬力汽油機嘅三輪車，呢一輛裝有內燃機嘅汽車被認為係世界上第一輛真正嘅汽車（因為佢以汽油為動力源，而唔係蒸汽機）。