麥長青（Evergreen Mak Cheung Ching，1967年12月18日—），花名麥包，係無綫電視演員。
麥長青喺中國廣東順德出世，12歲嗰陣嚟左香港，喺陳樹渠紀念中學畢業。之後喺1987年參加無線電視《超級新星大賽》，落選之後簽左無線電視，曾經做過兒童節目《閃電傳真機》，之後轉到戲劇組。佢憑《巾幗梟雄之義海豪情》嘅角色梁非凡喺《2010年萬千星輝頒獎典禮》攞到最佳男配角獎項以及第二年的《亞洲電視大獎》最佳男配角。