Пра гэта паведамляе ўкраінская дзяржаўная служба надзвычайных сытуацыяў.
Таксама ў 17:10 снарад, накіраваны на тэлевізійную вежу ў Кіеве, упаў на адлегласьці 200 мэтраў ад тэрыторыі Бабінага Яру. Пра гэта паведаміла Аб’яднаная габрэйская грамада Ўкраіны.
У Бабіным Яры пахаваныя больш за 100 000 кіяўлян, пераважная большасьць якіх былі габрэямі.
«У Талмудзе апаганеньне касьцей называецца своеасаблівай формай забойства. Пасьля нападу Расеі на Ўкраіну мы ўжо 5 дзён вымушаныя назіраць, як забіваюць жыхароў Украіны, руйнуюць гарады і пасёлкі, а цяпер апаганьваюць месцы масавых пахаваньняў ахвяраў нацызму. Аб’яднаная габрэйская грамада Ўкраіны рашуча асуджае ваенную агрэсію Расейскай Фэдэрацыі і апаганеньне Бабінага Яру», — гаворыцца ў паведамленьні.