9 April

9 April is die 99ste dag van die jaar in die Gregoriaanse kalender (100ste in skrikkeljare). Daar volg nog 266 dae in die jaar.

Gebeure

• 193 – Septimius Severus word keiser in Rome.
• 1256 – Pous Alexander IV rig die orde van die kluisenaars van die heilige Augustinus op met die bul Licet Ecclesiae Catholicae.
• 1388 – Veldslag van Näfels. Die boere van Glarus oorwin ´n Oostenrykse leër van 5000 man wat Glarus by Näfels wil binneval. Na die veldslag sluit Oostenryk ´n twintigjaar vredesverdrag met die Switserse Bondgenootskap.
• 1555 – Pous Marcellus II volg Pous Julius III op as pous van die Rooms-Katolieke Kerk.
• 1657 – Pous Alexander VII stel tien nuwe kardinale aan, waaronder sy neef Flavio Chigi, senior en Giulio Rospigliosi (later Pous Clemens IX).
• 1682 – Robert de LaSalle ontdek die monding van die Mississippi-rivier en eien dit toe vir Frankryk en noem dit Louisiana.
• 1830 – Die eerste uitgawe van die eerste Hollandse koerant aan die Kaap, De Zuid-Afrikaan, verskyn.
• 1938 – Die Slag van Italeni vind plaas.
• 1916 – Eerste Wêreldoorlog: Slag van Verdun - Duitse magte begin hulle derde offensief van die oorlog.
• 1917 – Eerste Wêreldoorlog: Slag van Arras - Die slag begin met Kanadese troepe wat 'n massiewe aanval op die Vimy-rif loods.
• 1940 – Tweede Wêreldoorlog: Duitsland val Denemarke en Noorweë binne.
• 1942 – Tweede Wêreldoorlog: Slag van Bataan - Magte van die Verenigde State gee oor op die Bataan-skiereiland.
• 1945 – Die Sowjet-Russiese beleg van die Duitse stad Koningsberg in Oos-Pruise kom tot ´n einde toe Generaal Otto Lasch, die hoof van die Duitse garisoen kapituleer.
• 1947 – Die Glazier-Higgins-Woodward-tornado is verantwoordelik vir die dood van 181 mense, en die besering van 970 in Texas, Oklahoma, en Kansas.
• 1959 – Nasa kondig die Mercury Sewe aan.
• 1967 – Die eerste Boeing 737 (100-reeks) se eerste vlug.
• 1991 – Georgië verklaar sy onafhanklikheid van die Sowjet-Unie.
• 1992 – Manuel Noriega word op agt klagtes skuldig bevind.
• 1999 – Ismail Omar Guelleh verkies tot president van Djiboeti.
• 1999 – Niger se President, Ibrahim Baré Maïnassara, vermoor.
• 2002 – Die Koningin-moeder van die Verenigde Koninkryk, Elizabeth Bowes-Lyon se begrafnis in die Westminster-abdy.
• 2003 – Irakse Oorlog: Die Ba’ath-regime gelei deur Saddam Hussein in Irak verwyder.

Geboortes

• 1336 – Timoer, ’n 14de-eeuse Turks-Mongoolse krygsheer en die stigter van die Timoerryk († 1405).
• 1806 – Isambard Kingdom Brunel, Britse ingenieur († 1859).
• 1835 – Koning Leopold II van België († 1909).
• 1850 – Abraham Fischer, enigste eerste minister van die Oranjerivierkolonie († 1913).
• 1860 – Emily Hobhouse, Britse menseregteaktivis († 1926).
• 1898 – Paul Robeson, Amerikaanse sanger en akteur († 1976).
• 1988 – Antal Doráti, Hongaarse dirigent († 1988).
• 1937 – Avril Malan, Suid-Afrika se nege-en-twintigste Springbokkaptein.
• 1944 – Leila Khaled, Palestynse vliegtuigkaper.
• 1954 – Dennis Quaid, Amerikaanse akteur.
• 1957 – Seve Ballesteros, Spaanse gholfspeler († 2011).
• 1979 – Ryan Cox, Suid-Afrikaanse fietsryer († 2007).
• 1980 – Lika Berning, Suid-Afrikaanse aktrise.
• 1980 – Lindiwe Mazibuko, Suid-Afrikaanse politikus.

Sterftes

• 491 – Zeno, keiser van Bisantium (* 425)
• 715 – Pous Konstantyn, 88ste pous van die Rooms-Katolieke Kerk (* 664).
• 879 – Lodewyk die Stamelaar, Koning van Frankryk (* 846).
• 1024 – Pous Benedictus VIII, 143ste pous van die Rooms-Katolieke Kerk (* ~980).
• 1483 – Koning Edward IV van Engeland (* 1442).
• 1492 – Lorenzo de' Medici, Italiaanse politikus (* 1149).
• 1626 – Francis Bacon, Britse staatsman, filosoof, wetenskaplike en skrywer (* 1561).
• 1806 – Willem V, Prins van Oranje en die laaste Stadhouer van die Nederlandse Republiek (* 1748)
• 1882 – Dante Gabriel Rossetti, Britse digter en skilder (* 1828).
• 1888 – Jan Renier Snieders, Vlaamse skrywer en broer van August Snieders (* 1812).
• 1931 – Tom Santschi, Amerikaanse akteur en regisseur (* 1880).
• 1945 – Wilhelm Canaris, Duitse admiraal (* 1887).
• 1959 – Frank Lloyd Wright, Amerikaanse argitek (* 1867).
• 2013 – Paolo Soleri, Italiaans-Amerikaanse argitek (* 1919).
• 2021 – Prins Philip, Hertog van Edinburg, eggenoot van Elizabeth II van die Verenigde Koninkryk (* 1921).
• 2021 – Graeme Bloch, Suid-Afrikaanse anti-apartheidsaktivis en opvoedkundige (* 1956)