Cómo collaborar
Participar
¿Te gusta la llibertá de software y les comunidaes de códigu abiertu? ¿Gústate'l software de MediaWiki, Wikipedia, o cualquier otru sitiu de Wikimedia?
Entós, contribuye coles tos habilidaes equí y aprende d'otros collaboradores. Esta páxina ayudaráte a dar los primeros pasos dándote una visión xeneral de les árees a les que puedes arreyate.
El conteníu de tolos proyectos de Wikimedia ta lliberáu baxo llicencies llibres. Escribe códigu p'aportar, combinar y faer crecer esta fonte de conocencia llibre. Sigue'l tutorial pa los primeros pasos cola API, disponible'n toles wikis de MediaWiki, y otres APIs de conteníu y Wikidata. Tamién tán disponibles otres fontes de datos llibres, incluyendo volcaos de datos en XML y SQL.
Tol nuesu códigu ye llibre y de códigu abiertu. ¡Escueye un proyectu, apurre un parche y resuelve una xera!
Los proyeutos de Wikimedia usen llinguaxes de programación variaos, como PHP y JavaScript en MediaWiki y les sos estensiones, Lua (nes plantíes), CSS/LESS (nos aspeutos, etc), Objective-C, Swing y Java (nes apps pa móviles y Kiwix), Python (en Pywikibot), C++ (en Huggle), o C# (en AWB).
Crea bots pa procesar conteníu y agospia les tos ferramientes en Toolforge. Trabaya nes apps pa móviles o n'aplicaciones d'escritoriu. O ayuda a los Operadores del sitiu a caltener la configuración de los sirvidores.
Ayuda a ameyorar la calidá de los nuesos proyeutos pruebes de PHPUnit automátiques y Integración continua. Manda'l to primer informe d'error o ayuda colos informes d'errores qu'esisten.
Como Embaxador téunicu, ayuda a otros Wikimedistes con problemes téunicos, tresmite Noticies téuniques pa informar a los usuarios de coses que van afeuta-yos, y xúnete al grupu d'embaxadores y la llista de corréu p'actuar como ponte ente los desendolcadores y la to wiki llocal.
Los qu'escriban n'inglés pueden ameyorar la documentación de MediaWiki, otres páxines d'encontu esenciales y, en realidá, cualquier páxina d'esti sitiu web.
Si domines una llingua distinta del inglés puedes xunite a la xera traduciendo esti sitiu web ya'l software de MediaWiki.
Ayuda a los usuarios y desendolcadores que busquen rempuestes nel puntu de sofitu o nes canales de comunicación y redes sociales de MediaWiki.
Ayuda a aplicar los principios de diseñu de Wikimedia nos proyeutos que busquen opiniones sobro la usabilidá.
Más información útil
Comunicación
Hai delles formes de comunicase cola comunidá de Wikimedia..
- Pa comunicate'n tiempu real usa #wikimedia-dev connect en IRC (Internet Relay Chat).
- Hai tamién delles llistes de corréu d'alderique sobro'l software de Wikimedia. Ta disponible una llista completa.
- Tamién puedes siguir y compartir noticies de Wikimedia pela to rede social.
- Tamién puedes suscribite a les Noticies Teonolóxiques pa recibir un resume selmanal na to páxina d'alderique d'usuariu sobro los cambeos de software de recién, ensin xíriga técnica.
Editar y falar en MediaWiki
Si nun utilizasti MediaWiki antes:
- Rexistra una cuenta d'usuariu en mediawiki.org.
- Aprende cómo Editar páxines wiki con VisualEditor o editar el códigu.
- Edita como quieras la to páxina pública d'usuariu. Preséntate. Puedes usar la Plantía Info d'Usuariu. Saber más lleyendo les indicaciones de Wikipedia.
- Revisar Help:Navegación.
- Puedes falar sobro'l conteníu de cada páxina na páxina d'Alderique rellacionada. Puedes comunicate con otros usuarios amestando un mensaxe públicu nes sos páxines d'alderique. Ver más en Help:Talk pages.