Polacos

Polacos
Władysław I • Copernico • Kochanowski • Krasicki • Kościuszko Staszic • Chopin • Łukasiewicz • Wieniawski • Prus Malczewski • Conrad • Zamenhof • Skłodowska-Curie • Piłsudski Malinowski • Tatarkiewicz • Banach • Rejewski • Rotblat Sendler • Koprowski • Lem • Wajda • Wolszczan
Rechions con comunidatz importants
Polonia 36.700.000 Belarrusia 418.000 Lituania 258.000 Ucraína 219.000 Rusia 95.000 Republica Checa 39.269
Idiomas
Polaco
Relichión
Catolica
Pueblos relacionaus
Pueblos eslavos

Os polacos son un pueblo d'Europa Central, os habitants mayoritarios de Polonia, y se troban tamién como minorías en Lituania, Belarrusia, Ucraína, Rusia y Rumanía, amás d'atros países como immigrants recients. Parlan una luenga eslava occidental, o polaco, y son mayoritariament catolicos.

Reparto cheografico

S'estima que en 1990 os polacos yeran 36.700.000 d'os 37.930.000 habitants de Polonia; os polacos fuera de Polonia yeran en 1989 418.000 en Belarrusia, 258.000 en Lituania, (bi ha encara una minoría polaca prou compacta en as mugas entre Lituania y Belarrusia), 219.000 en Ucraína, 95.000 en Rusia y 73.000 en a Republica Checa (en iste zaguer caso, en 1988).

Etnonimo

O chentilicio polaco ye documentato en aragonés por un texto de fins d'o sieglo XIV provinient de Zaragoza:

Item depues de aquesto quando se adobo la scalera estaba Grant y los parents del polaco... chico costo aljeuz.

Manimenos en o "Libro del Trasoro" fan servir aspoliens por una mala traducción dende o francés as poulains:

Alla do Ytallia fina a la mar de Venecia, si es la tierra d'Estra de vltra part la mar, do yes larçobispado de Jadrio e atros dos arçebispados e xviiij º bispados. Apres esta yes la tierra de Sclauonja en do ha ij arçobispados e .viij. bispados. Apres es la tierra de Vngria, do ha dos arçobispados e .x. bispados. Apres esto es la tierra de los aspoliens do ha .iiij.º arcebispados con todos .viij.bispes Mas de aquesto no dira agora mas el conto, ante retornara a su materia alla do el lexo Secilia a la fin de Ytalia.

En tot caso se vei a identificación dreita d'a etnia eslava polans d'organización preestatal con os posteriors habitants eslavos d'o reino de Polonia, y a distinción que fan entre os eslavos noroccidentals (poliens) y os eslavos balcanicos (os habitants de Sclauonja correspondendo ambiguament a un territorio que correspondería a las Eslovenia y Eslavonia actuals, sobretot a la zaguera).

Relichión

Os polacos son cristians catolicos. Se mantenioron fidels a lo catolicismo entre os alemans d'o norte, que son luterans, y os eslavos orientals, que son cristians ortodoxos u uniatas. En o voivodato d'Oltszin bi ha polacos luterans, os mazurians.

Historia

Ta más detalles, veyer l'articlo Historia de Poloniaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].