توقيت صيفى
التوقيت الصيفى (انجليزى: daylight saving time; فرنساوى: heure d’été) هو تغيير التوقيت الرسمي فى بلد او محافظة مرتين فى السنة ولمدة كذا اشهر من كل سنة. بيتم اعادة ضبت الساعات الرسمية فى بداية الربيع, وبتتقدم عقارب الساعة ستين دقيقة. والرجوع للتوقيت العادي، يعني التوقيت الشتوي, بيحصل فى فصل الخريف. الهدف من زيادة ساعة للتوقيت الرسمي هو تبكير أوقات الشغل والفعاليات العامة التانية، عشان يكون وقت النهار اكتر واللي بتزداد من بداية الربية لذروة فصل الصيف, وبتقل من المعاد ده لحد ذروة الشتا. حط تكست مش معمولله فورمات هنا بتزيد ساعات النهار فى الصيف والربيع وبتقل فى الشتا علشان ميل محور دوران الارض بنسبة 23.4 درجة مقارنة بمستوى مساره حول الشمس. وبيكبر الفرق بين طول النَّهار فى الصيف وطوله فى الشتا تدريجياً، بحيث انه بيتلاحظ زيادة ساعات النهار فى البلاد الاستوائية بشكل بسيط فمبتكونش محتاجة التوقيت الصيفي، لاكن بتزيد فايدته كل ما تبعد عن خط الاستوا.
كان الامريكي بنجامين فرانكلين اول واحد يقترح فكرة التوقيت الصيفي فى سنة 1784, بس الفكرة مكانتش مهمة لحاد اوائل القرن العشرين, فاقترحها تاني البريطاني وليام ويلت اللى عمل مجهود كبير فى نشرها. وانتهى جهده لما ناقش الفكرة البرلمان البريطاني سنة 1909 ورفضه. اتحقَّقت فكرة التوقيت الصيفي لأول مرة فى الحرب العالمية الأولى، علشان الظروف اجبرت الدول اللى بتحارب انه يكون فى طرق جديدة علشان يحافظوا على الطاقة. فكانت المانيا اول بلدٍ أعلنت التوقيت الصيفي، وبعدها بريطانيا بعد فترة قصيرة.
