Уикипедияның қазақ тіліндегі бөлігі Қазақша Уикипедия деп аталады. Қазақша Уикипедияның негізгі тілі — қазақ тілі. Басқа тілде жазылған мақалаларға, Уикипедия есім кеңістігіндегі және анықтамалық беттерге, санат, жоба, портал беттеріне орын жоқ! Олар жедел және міндетті түрде жойылып отыратын болады.
Уикипедия қатысушыларының ортақ мәселелерді бірлесіп талқылау атап айтқанда: техникалық қателерін, саясаттары мен ережелерін және Уикипедияның іс-әрекеттерін талқылау үшін пайдаланылады.
Уикипедия қатысушыларының жиі қоятын сұрақтары топтастырылған. Мысалы: Уикипедия дегеніміз не? Мақала қалай жаза аламын? Мақаланы қалай өңдеу керек? Санатты, сілтемені қалай қоя аламын? Суретті қалай енгізе аламын? деген сұрақтарға жауап ала-аласыз.
Авторлық құқықтар — автордың жеке мүлiктiк емес және мүлiктiк құқықтары. Уикипедияға авторлық құқықпен қорғалған мағлұмат қосылмайды. Қосылған мағлұмат авторының құқығы бұзылған деп анықталса, мағлұмат дереу жойылады.
Мақала шеберханасы жаңа мақалаларды бастауға және оларды дамытуға Уикипедия ережелерін жеңіл түсінуге көмектеседі. Алғашқы 6 қадамнан кейін мақаланы өңдеу бетіне жетесіз. Аталған 6 қадамның бірінен екіншісіне өту үшін алдыңғы қадамды орындау қажет.
Уикипедия — бұл онлайн-энциклопедия, сондай-ақ жоғары сапалы энциклопедия жасап шығару ісіне қызығушылық танытқан және де өзара сыйластық қарым-қатынасқа негізделген желілік қауымдастық.
Тіркелген қатысушылар (сіз тіркелмеген болсаңыз тіркеліңіз) Уикипедияға медиа файлар (сурет, аудио, видео) жүктей алады. Ол үшін сол жақтағы «құралдар» бөліміндегі «Файл жүктеу» дегенді басыңыз немесе Alt+⇧ Shift+U әмірін орындаңыз.
Жиі кездесетін қателіктерді жасамауға тырысыңыздар! Уикипедия ашық энциклопедиясына алғашқы рет келген қатысушылар мұнда абдырап қалуы мүмкін. Бұл қалыпты жағдай!
Уикипедияға ақпаратты қосу үшін оның «ақиқаттығы» емес «тексерілмелдігі» негіз болып табылады. Яғни, оқырман Уикипедияда берілген материалдың беделді дереккөздерінде жарияланғандығынан сенімді болуы қажет. Мақала авторлары күмәндануға себепкер болған немесе болатын дәйек сөз немесе ақпараттың жанына беделді дереккөзін көрсетуге міндетті. Көрсетілмеген жағдайда мәліметтердің жойылу қауіпі бар.
Мақала бастамас бұрын мақалаңыз жойылып кетпеу үшін жедел жою сынбағаларымен танысып шығыңыз. Кей жағдайларда админдер Уикипедиядағы беттерді, мейлі ол беттер талқылауға салынған болса да, алдын ала ескертусіз жоя алады.
Мақалалардың аталуы — бұл энциклопедиялық және ғылыми стильге, Уикимедиа ұйымының ұстанымдарына бағынатын Уикипедиядағы мақалаларды атау нұсқалықтар жиынтығы. Бұрыннан бар мақаланы әртүрлі атпен бастай бермегеніңіз дұрыс. Ол үшін жоғары оң жақта тұрған іздеу жолағынан мақала атауын іздеп көріңіз. Егер басқа атаумен де болуы керек деп есептесеңіз бастаған бет атауын бұрыннан бар беттке келесідей #АЙДАУ [[Нысана бет атауы]]айдату жасаңыз.
Юзербокс (ағыл. user — қолданушы және box — қорап) — қатысушының жеке бетінде қолданылатын үлгі. Негізгі мақсаты — басқа қатысушыға өзі туралы (техникалық және тіл білімін, қызығушылығын, статусын көрсету) ақпаратты жеткізу болып табылады. Жеке қатысушы бетіңізде бұл үлгілерден өзіңізге келетіндерін көрсетуге тырысыңыз.
Визуальды редактор (VisualEditor) — WYSIWYG режиміндегі (ағылш.What You See Is What You Get) Уикипедия беттерін өңдеу үшін жасалған бағдарламалық жасақтама. Ол қатысушыларға синтаксисті үйренбей-ақ өңдемелер жасауға мүмкіндік береді.
AutoWikiBrowser (AWB) — Уикипедия беттерін жартылай-автоматты түрде өңдеу бағдарламасы. Қайта-қайта атқарылатын түзетулерді жеңілдету үшін қолданылады.
