Dünən “Real” klubunun azarkeşləri möhtəşəm “Santyaqo Bernabeu” stadionuna toplaşıblar. Ancaq fanatların bu dəfəki gəlişinin səbəbi sevimli komandalarını dəstəkləmək olmayıb. Qol.Az-ın məlumatına görə, minlərlə tərəfdar “kral klubu”nun əfsanəvi futbolçularından Zinəddin Zidan üçün stadiona axın ediblər.
Belə ki, dünən Zidana həsr olunmuş kitabın təqdimat mərasimi keçirilib. Kitabın müəllifi tanınmış idman jurnalisti Enrike Orteqadır. “Zidan, sadə qəhrəmanın zərifliyi” adlanan kitab əfsanəvi futbolçunun həyatı, peşəkar karyerası və “Yuventus”dan “kral klubu”na gəlişindən bəhs edir.