Munix sûka dê Almanyao u mıntıqa ra verocê (cenubê) Almanya dero. Munix zaf bacarê do gırdo; Almanya de rêzey hirêyine (3.) dero. Munix miyan ra roê (çhemê) İsari vêreno ra u paytextê eyaletê Bavaryao.
Munix sukê da kıhana. Serra 1158. ra Duke Welf Henry the Lion (Duke Welf Henryo şêr) Munix na ro. Munix dormarê kilisey St. Peteri de bi hira. Serra 1327. dae adırê dê pili Munix veşna; feqet sakınanê Munixi bacar reyna vıraşt. Serra 1506. de Bavarya biye yewe u Munix bi paytextê Bavarya. Seserra 16. de Munix bi merkezê Reformê Protestanan u ê Ronesansi. Labelê serra 1634. de nêweşiye kewte zerrey Munixi u %33ê merdumanê Munixi merdi. Serra 1806. de Muxih bi paytextê Padişaina Bavarya. İnsananê Munixi ra zaf kasifi vejiyê: Rudolf Diesel, Alois Alzheimer, Wilhelm Conrad Röntgen, Georg Ohm. Waxte Ceng ê Dınyaê I u Ceng ê Dınyaê II. Weziyatê Munixi zaf xırabın bi. Feqet bacarê munixi fına vıraziya.
Ewro Munix sukê da moderna. Xeylê bani mımarine het ra mıkemmel vıraziyaê. Munix merkezê hunerê zagoni u siyaset u edustriy u iqtısadê eyaletê Bavaryao. İqtısadê Munixi zaf herao. Şirketê teknolociya Munixi zaf be kaliteyê. Merkezê BMW, Allianz, Bayer, NECi Munix de ronıştiyo. Taximê futboli Bayern Munix ki etıya dero. Stadê Allianz u Olimpiyati be estetik vıraziayo.