Părintească dimăndare
Nă spergiură cu foc mare
Fratс di mumă shi di tată
Noi, Armănj di eta toată!

Di sum plocile di murmintsă
Strigă-a nostri bunj părintsă:
"Blăstem mare s-aibă-n casă,
Cari di limba-a lui s-alasă!"

Cari sh-alasa limba lui,
S-lu-arda pira focului,
Să s-dirină viu pri loc,
Si -lj si frigă limba-n foc!

El ăn vatra-lj părintească
Fumealja s-nu-sh hărisească
Di fumelj curunj s-nu bashe,
Nat ăn leagăn să nu nfashe!

Cari fudze di-a lui mumă
Shi di părinteasca-lj numă
Fugă-lj doara Dominului
Shi dulteamea-a somnului!