6 верасня ў Смаргоні прайшоў ХVІ Дзень беларускага пісьменства. У свята было дзве кульмінацыі — асвячэнне храма Праабражэння Гасподняга і адкрыццё помніка Францішку Багушэвічу.
Помнік Багушэвічу паўстаў на ўскрайку парку. Аўтары скульптуры — Леў і Сяргей Гумілеўскія. Чатырохметровая фігура пісьменніка стаіць абапёртая на камень. У руцэ — кніга. На помніку высечаны словы класіка: «Не пакідайце ж мовы нашай беларускай, каб не ўмёрлі!».
Беларуская мова ў гэты дзень гучала і з вуснаў многіх чыноўнікаў. Па‑беларуску прамаўлялі віцэ‑прэм’ер Уладзімір Патупчык, намеснік старшыні Гродзенскага аблвыканкама Ігар Жук. Па‑беларуску гаварыў і пасол Украіны ў нашай краіне Ігар Ліхавы. Ягоная прысутнасць была вытлумачальнай. Багушэвіч пасля разгрому паўстання Каліноўскага хаваўся і вучыўся ў Нежыне, што пад Чарнігавам. А ідэя тварыць на роднай мове прыйшла да яго пад уплывам украінскага нацыянальнага руху: калі Шаўчэнка змог ствараць шэдэўры на сваёй гаворцы, дык чаму не я? Калі ўкраінцы прэтэндуюць на палітычную ўладу ў сваё краіне, дык чаму не мы?
Дзень беларускага пісьменства праходзіць па чарзе ў кожнай вобласці ў першую нядзелю верасня. Раней Дзень пісьменства прымалі Пінск, Полацк, Камянец, Паставы, Барысаў. У наступным годзе свята пройдзе ў Хойніках Гомельскай вобласці.
Сяргей Макарэвіч
Помнік Францішку Багушэвічу. Photo.bymedia.net |
У першым шэрагу высокія чыноўнікі з Мінску. Photo.bymedia.net |
Завітаў у Смаргонь апальны пасол АБСЕ Шміт. Photo.bymedia.net |
Гледачы бавіліся выступамі Ірыны Дарафеевай. Photo.bymedia.net |
11 каментароў
More Air напiсаў(ла)
Верасень 8, 2009 у 12:47
Помнік выглядае на прыгожы. А астатнія здымкі больш падобныя на дажынкі. Калготкі напяліць на рукі, - апошні здымак -канешне, арыгінальна... Можа яны такім чынам хочуць склады разгрузіць?
Litvin напiсаў(ла)
Верасень 8, 2009 у 14:10
I тут Дарафеева! I колькi заробiла на гэтым сьвяце?
Ыга напiсаў(ла)
Верасень 8, 2009 у 14:23
якая сымболіка: асвячэньне яшчэ аднэй кропкі русіфікацыі і усталяваньне помніка змагару зь ёй.
Кейстут напiсаў(ла)
Верасень 8, 2009 у 14:25
Маргіналы зноў усім недавольныя. :)
wint напiсаў(ла)
Верасень 8, 2009 у 14:30
Шміт капэрты некаму прывез. :) Паштар. :)
нацыяналіст напiсаў(ла)
Верасень 8, 2009 у 17:06
Мда, ёсьць людзі, якім УСЁ не падабаецца. Помнік паставілі - блага, Дарафеева выступіла - блага, калготкі...
Гэта ўжо пэўная хвароба.
Ыга напiсаў(ла)
Верасень 8, 2009 у 17:59
але ж ніхто ня кажа, што помнік дрэнны.
Ilja напiсаў(ла)
Верасень 8, 2009 у 20:17
Датычна гандлёва-русыфікацыйнай кропкі - вельмі трапна.
Хаця мяркуючы па стылі царквы нейкі прагрэс у праваслаўнай архітэктуры ўсё ж назіраецца - вось толькі маскоўскія сярэднявечныя цыбуліны дагэтуль жывейшыя за ўсіх жывейшых.
Homo habilis напiсаў(ла)
Верасень 8, 2009 у 21:32
2Кейстут
А з чаго маргіналам быць усім задаволенымі? Яны ўжо дажынкі правялі і ў хакей гуляюць.
Homo habilis напiсаў(ла)
Верасень 9, 2009 у 9:36
2нацыяналіст
А можа і Вы носіце калготкі на руках? Ці Дарафееву ў вольны ад працы час слухаеце? Ці кладзёце на працы плітку? Тады Ваша абурэньне цалкам зразумелае. Але, на жаль, гэта не хвароба і вылечыць гэта не атрымаецца.
Тацяна напiсаў(ла)
Верасень 9, 2009 у 17:44
Дарэчы, на помніку памылка: "Не пакідайце ж нашай мовы беларускай..." Здаецца, у Багушэвіча было па-іншаму.