Удмурт кыл
Удмурт кыл
| |
| Аслаз нимыз | Удмурт кыл |
| Территориез | Удмуртия, Татария, Башкирия, Пермь шаер, Киров улос |
| Вераськисьёсыз | ог 464 000 адями |
| Алфавитэз | Кириллица |
| Кыллэн кодэз | |
| ISO 639-1 | — |
| ISO 639-2 | udm |
| ISO 639-3 | udm |
Удмурт кыл — Удмуртиын, Татариын, Башкириын, Пермь шаерын, Киров улосын но куд-ог мукет интыосын улӥсь удмуртъёслэн анай кылзы. Сое уже кутыло бесерманъёс но (соослэсь наречизэс нимаз кыл шуыса ниманы вазь на). Удмуртиын но котырын улӥсь куд-огез ӟучъёс но бигеръёс тодо удмурт кылэз, но таӵеослэн лыдзы туж ӧжыт. Россиын улэ ог 464 сюрс удмурт кылэз тодӥсь адямиос (2002).
Арысь аре удмурт кылын вераськисьёслэн лыдзы ӧжытоме. 2013-тӥ арын ЮНЕСКО, Кылъёсъя горд книгазэ выльдытыса, сётӥз удмурт кыллы «бырон кышкытлык вань» статусэз.
Удмурт кыллы матысь кылъёс
Удмурт кыллы уката ик матын луо коми-зырян кыл но коми-пермяк кыл. Озьы ке но, удмуртъёс но комиос ог-огзэс валаны уг быгато, оло нош валало туж шуген. Мукет ӵыжы-выжы кылъёс — пор, эрзя, мокша, финн, эстон но со выллем — удмуртлы воксё валантэм.
Алфавит
Туала удмурт алфавитэ 38 буква пыре.
| А а | Б б | В в | Г г | Д д | Е е | Ё ё |
| Ж ж | Ӝ ӝ | З з | Ӟ ӟ | И и | Ӥ ӥ | Й й |
| К к | Л л | М м | Н н | О о | Ӧ ӧ | П п |
| Р р | С с | Т т | У у | Ф ф | Х х | Ц ц |
| Ч ч | Ӵ ӵ | Ш ш | Щ щ | Ъ ъ | Ы ы | Ь ь |
| Э э | Ю ю | Я я | ||||
Бигер асэстэмъёс удмурт кылын
Удмурт кылын ӧжыт ӧвӧл бигер яке кыӵе ке мукет Z-тюрк кылъёсысь асэстэм кылъёс. Ӵошатон понна:
- удм. сяська — биг. чәчкә
- удм. урам — биг. урам
- удм. юрт — биг. йорт
- удм. дунне (азьвыл дунья — биг. дөнья)
- удм. вакыт — биг. вакыт
- удм. яке — биг. яки
- удм. егит — биг. егет
- удм. патяк — биг. бәтәк, но трос со выллем
Удмуртэ пырем бигер кылъёсты тодонын уката дуно луэ Шандор Чучлэн «Бигер асэстэмъёс удмурт кылын» нимо книгаез.
Чöлсконъёс
Со сяна, учке